18 yaşadək basketbolçu qızlardan ibarət yığmamız Avropa çempionatının C divizionunda növbəti matçını keçirib.

"Football-plus.az" xəbər verir ki, millimiz Kosovonun paytaxtı Priştinada keçirilən yarışın yarımfinal oyununa çıxıb.

Qrup mərhələsini üç qələbə ilə başa vuran yığmamız Cənubi Kiprlə qarşılaşıb. Türkiyəli mütəxəssis Evren Alkayanın çalışdırdığı komanda uğurlu seriyasını davam etdirib. Millimiz kiprliləri 66:49 hesabı ilə məğlub edib. İkinci finalçı Kosovo ilə Albaniyanın duelində müəyyənləşəcək.

Qeyd edək ki, final və 3-cü yer uğrunda oyun iyulun 28-də keçiriləcək.