Vissam Ben Yedder ötən yay qardaşı Sabri ilə birgə 19 və 20 yaşlı iki qızın zorlanmasıyla bağlı cinayət işinin əsas fiqurları oldu. Proses hələ də uzanır, sonuncu məhkəmə iclası isə mayda keçirilib. “L'Equipe” nəşrindən olan həmkarlarımız futbolçu ilə bağlı daha bir şoka salan epizodun üstünü açıb. Medianın yazdığına görə, bu, Ben Yedderin həyatındakı yeganə belə epizod deyil.

Jurnalistlər xəbər verir ki, Vissam hələ 2022-nin sentyabrında da adı açıqlanmayan bir qızı zorlayıb, ardından ona “bu hadisəni tam məxfi saxlamaq və istənilən məhkəmə iddiasından imtina etmək” təklifi ilə 1,6 milyon avro ödəyib. Həqiqətən də “L'Equipe” qəzetinin bir neçə ay davam edən araşdırmasına qədər heç kim bu qalmaqaldan xəbərdar deyildi. Özü də futbolçu susmaq üçün nəhəng məbləği hadisədən bir neçə ay ötəndən sonra – 2023-cü ilin fevralında ödəməyə razılıq verib. Vissam agent Meyssa N'Diayın da daxil olduğu yaxın ətrafının dilətutmalarından sonra bu pulu ödəyib. Zərərçəkənə pulun ödənilməsi ilə bağlı elə bir dolaşıq sxem hazırlanıb ki, futbolçunun adı heç bir yerdə çəkilməsin.

Pullar “Monako”nun sabiq prezidenti, kluba bir ildən də az rəhbərlik edən, 2009-cu ildə vəzifəsindən ayrılaraq Amerikaya köçən Jerom de Bontenin həmin ölkədəki bank hesabı vasitəsi ilə ötürülməliydi. Düzdü, bu araşdırmadan heç də bütün faktlar Ben Yedderin əleyhinə deyil. Onun agenti N'Diayın futbolçunun yeni müqaviləsindəki imzasını saxtalaşdırdığı güman olunur – müddəti 2019-cu ildə bitən müqavilə 2023-cü ilə qədər uzadılıb. Bundan sonra onlar arasındakı münasibətlər pisləşib.

Vissam 2019-cu ilin yayında “Monako”ya keçərkən agentə 4 milyon avro zəhməthaqqı ödənilməsi nəzərdə tutulurdu. Futbolçu ötən ilin martında həmin vəsaitin dondurulmasına nail olub. Ardından N'Diay hücumçunu böhtan atmaqda suçlayıb. Futbolçu bildirir ki, ətrafındakılar şəxsi mənfəət naminə manipulyasiya ilə məşğul olub. Bu faktlar “L'Equipe” nəşrinin jurnalistlərinin araşdırması ilə ziddiyyət təşkil edir. Onlar hətta Ben Yedderin agentinə “çox nüfuzlu adam” deyirlər.

2022-nin sentyabrında baş verən hadisə ilə bağlı cinayət işi açılmayıb. Ancaq futbolçu ilə qardaşının mümkün zorlama hadisəsi ilə bağlı araşdırma davam edir. Ben Yedder və vəkilləri ittihamı qətiyyətlə rədd edir. Düzdü, mediaya prosesin axarı ilə bağlı hədsiz az informasiya sızır. Futbolçunun vəkilləri Mes Hasna Luze və Mariya Rumyantseva maydakı iclasdan sonra mediaya belə deyib: