“Özlərini yaxşı tərəfdən göstərə biləcəklər” –Şahruddinlə Mahirin mümkün dönüşünə nikbin yanaşma
Mətbuatda yayılan iddialara görə, “Qarabağ” tezliklə Şahruddin Məhəmmədəliyevlə Mahir Emrelini transfer edəcək.
Maraqlıdı ki, məlumatla tanış olan azarkeşlər onların “köhlən atlar”da çıxış etməsini arzulamır. Daha dəqiqi, hər ikisinin Ağdam təmsilçisi üçün uğursuz seçim olduğunu düşünür.
Bəs həmin futbolçuların mümkün dönüşünə pozitiv yanaşmaq mümkündümü? Onlar həqiqətən “Qarabağ”ın hədəfləri üçün uyğun deyil?
Bu suallarla menecer Tural Əsgərliyə müraciət etdik. Onun “Football-plus.az”a söylədikləri:
“Təmsil etdiyim oyunçular olmadığından transfer xəbərlərinin nə dərəcədə doğru olub-olmadığını bilmirəm. Yenə də keçid baş versə, yanlış seçim olacağını düşünmürəm. Məncə, özlərini yaxşı tərəfdən göstərə biləcəklər. Əlbəttə, uğurlu olmaya da bilərlər. Lakin ölkəmizə qayıtsalar, xarici klublardakı çıxışlarına nisbətən daha rahat olacaqlar. Çünki yerli futbolçu statusunda çıxış edəcəklər”.
KƏNAN BAHADIR
Digər xəbərlər
