“Mən “Qalatasaray” fanatıyam və bu klubu çox sevirəm. Klubu bu dərəcədə sevən bir insan “Qalatasaray” haqda heç vaxt belə sözlər işlətməz. Qətiyyən bu cür böyük klubu aşağılamamışam. Bundan sonra da heç vaxt bu cür şeylər dilimə gətirmərəm. Bir müddət öncə bir jurnalist zəng vuraraq Zahanın nömrəsinin məndə olub-olmadığını soruşdu. Mən də “xeyr, onun nömrəsi məndə yoxdu” dedim. Nömrəsi məndə olsaydı, transferindən öncə və ya sonra onunla danışardım. Bəzi dəyərli məsləhətlər verərdim. Çünki “Qalatasaray”ı tanıyıram. Bu, futbolda tez-tez yaşanan şeydi. Transferdən öncə zəng vurub həmin klubu tanıyan futbolçu ilə söhbətləşmək adi qəbul olunur. Həmin gün jurnalist mənim sözlərimi yanlış anladı. Sözləri bu dərəcədə səhv yazmaq çox ayıbdı. “Qalatasaray”da son dərəcə xoşbəxt idim. Türkiyədə oynadığıma görə də heç vaxt peşmanlıq hissi yaşamamışam. Əksinə, orda unudulmaz anlarım olub. Bu macəranın, xatirələrin hamısı mənim üçün dəyərlidi. Ona görə də Zahanın ora getməklə səhvə yol verdiyini heç cür dilimə gətirə bilmərəm. Bunu söyləməyim, sadəcə, mümkün deyil. Eyni şəkildə oyunçuların Türkiyəyə yalnız karyeralarının sonlarında getdiyini də heç vaxt dilimə gətirməmişəm. “Qalatasaray” tək Türkiyədə yox, bütün Avropada tanınan və böyük ənənələrə malik olan klubdu. Komanda getdiyi istənilən yerdə çox yaxşı qarşılanır və dünyanın dörd bir tərəfində azarkeşləri var. “Qalatasaray”ın xüsusilə Çempionlar Liqasındakı matçlarını yaxından təqib edirəm. Elə “instaqram” səhifəmə baxsaz, kluba nə qədər bağlı olduğumu görə bilərisz. Tez-tez “Qalatasaray”a aid paylaşımlar edirəm. Fanatların məni yanlış anlamalarını istəmirəm. Fürsətdən istifadə edərək onların hamısına salamlarımı göndərirəm”.