Rusiyanın premyer-liqa iştirakçısı "Krasnodar" böyük transfer əməliyyatına hazırlaşır. "Football-plus.az" xəbər verir ki, bu barədə yerli "Çempionat" nəşri məlumat yayıb.

Adı çəkilən portalın məlumatına görə, jurnalist Fabrizio Desabatto Argentina "Rasinq"inin futbolçusu Qaston Martirenanın tezliklə Murad Musayevin komandasına keçəcəyini yazıb. "Krasnodar" yeni sağ cinah müdafiəçisi üçün 4,1 milyon avro ödəyəcək. Qeyd edək ki, Qaston ötən mövsüm keçirdiyi 15 matçda 2 qol, 3 məhsuldar ötürmə ilə yadda qalıb.

Bilindiyi kimi, Martineranın gəlişi adı "Qarabağ"la hallanan Kadi Borgesin heyətdəki önəmini azalda bilər. Onsuz da dünən Murad Musayevin futbolçuya yetərincə şans vermədiyini yazmışdıq. Xatırladaq ki, Kadi "Krasnodar"ın yay təlim-məşq toplanışı çərçivəsində keçirdiyi iki yoxlama oyununda cəmi 55 dəqiqə meydanda olub. Belədə Borgesin komandadan ayrılmaq ehtimalı qüvvətlənir.

Düşündürücü sual isə oyunçunun "Qarabağ"a keçidinin yubanma səbəbləridi. Murad Musayev istefasına səbəb olan Qurban Qurbanovdan acıq çıxır, yoxsa həqiqətən Kadiylə bağlı fikirləri bulanıqdı? Buna tezliklə aydınlıq gələcək.

KƏNAN BAHADIR