“Məqsədsiz komandada çalışmağı özümə yaraşdırmıram” – Əsgər Abdullayev
Əsas hədəfi premeyr-liqaya yüksəlmək olan “İmişli”ni məqsədinə çatdıra bilməyən Əsgər Abdullayevin komandadan ayrıldığını bilirsiniz.
İmişli təmsilçisi son turlara qədər iddiasını davam etdirsə də, mümkün olmadı. Bu üzdən klub rəhbərliyi təcrübəli çalışdırıcıyla yolları ayırdı. Bəs Abdullayev hazırda nə işlə məşğuldu? Onunla maraqlanan varmı? Abdullayevin “Football-plus.az”a söylədikləri:
“Hələ ki evdəyəm, istirahət edirəm. Maraqlanan olsaydı, yəqin ki, axtarardılar. Heç nə yoxdu, sakitlikdi”.
Təcrübəli baş məşqçidən gələcək karyerasıyla bağlı nə düşündüyünü də soruşduq:
“Gərək təklif olsun, sonra dəyərləndirim. Hər kəs istəyər ki, işləsin. Aşağı liqa komandasında da işləyə bilərəm. Lakin baxır kimdi, hədəfi nədi? Məqsədsiz komandada çalışmağı özümə yaraşdırmıram”.
KAMAL SƏFƏR
Digər xəbərlər
