Laso “Bavariya”nı “Baskoniya”ya dəyişdi
Ünlü mütəxəssis Pablo Laso basketbol üzrə Avroliqanın iştirakçılarından “Bavariya”nın baş məşqçi postunu tərk edib.
Bu haqda xəbəri Münhün klubunun mətbuat xidməti yayıb. Laso klub rəhbərliyinə ailə məsələləri üzündən getməyə məcbur olduğunu deyib. “Bavariya” müqavilə müddəti gələn ilin iyununda bitəcək mütəxəssisin arzusunu yerinə yetirib. Münhen klubunun idman direktoru Marko Peşiçin fikirləri:
“Pablonun şəxsi qərarı bizim üçün gözlənilməz oldu. Biz ona məşqçi və şəxsiyyət kimi hörmət edirik. Uğurlu keçirdiyimiz sonuncu mövsüm boyunca gördüyü işə, əməyinə görə biz ona yalnız təşəkkür edə bilərik. Pabloya gələcək karyerasında hər şeyin ən yaxşısını arzulayırıq. O, bizlə yalnız son mövsümdə “qızıl dubl” etdiyimizə yox, insani münasibətlərə görə bağlı olacaq”.
Artıq ispaniyalı mütəxəssisin yeni iş yeri də bəllidi. Laso ölkəsinin “Baskoniya” klubu ilə üçillik müqavilə bağlayıb. Müqavilə 2026/27 mövsümünün sonuna qədər nəzərdə tutulub. Xatırladaq ki, Pablo basketbolçu karyerasına məhz bask komandasında başlayıb, bir növ evinə qayıdırı.
Laso uzun müddət – 1984-95-ci illər aralığında “Baskoniya”nın şərəfini qoruyub. Bu klubla ölkə kubokunu qazanıb və 1995-ci ildə turnirin ən dəyərli oyunçusu sayılıb.
Digər xəbərlər
