Mahirin atası son durumu açıqladı: "Bir neçə gün sonra Azərbaycana qayıdacaq"
Mahir Emrelinin fəaliyyətində maraqlı olan klublar var. “Qarabağ”ın sabiq forvardına Azərbaycan klubları da maraq göstərir.
Onun müqavilə ilə aid olduğu Zaqreb “Dinamo”sunda qalmayacağına, yerli təklifləri dəyərləndirəcəyinə dair şübhələr çoxdu. 26 yaşlı futbolçunun “Qarabağ”a qayıtmaq ehtimalı qüvvədə qalır. Bununla yanaşı, Mahir icarə əsasında “Zirə”də forma geyə bilər. Hətta “qartallar”ın “Dinamo”ya təklif göndərdiyi dair iddialar var.
Görəsən Mahir Zaqrebə qayıdıb, yoxsa danışıqların bitməsini gözləyir? Futbolçunun atası Anar Mədətovun “Football-plus.az”a cavabı belə oldu:
“Mahir hazırda Bodrumda istirahət edir. Bir neçə gün sonra Azərbaycana qayıdacaq. Əlavə məlumat verə bilməyəcəm”.
RÖYANƏ OĞUZ
