Dortmundda Portuqaliyanın Türkiyəni 3:0 hesabı ilə məğlub etdiyi qarşılaşmada təkcə futbol müzakirə olunmadı.

Eyni zamanda oyunboyu bir neçə azarkeşin meydana çıxması və onların hamısının portuqaliyalı superulduz Kriştiano Ronaldoya tərəf qaçması, onunla şəkil çəkdirmək istəməsi də söz-söhbətə səbəb oldu. Bu baxımdan ən çox fərqlənən və ya başqa sözlə desək, ən şanslı fanat türkiyəli Berat Uluğdu. İkinci hissənin gedişində — 68-ci dəqiqədə o, təhlükəsizlik xidməti işçilərinin gözündən yayınaraq meydana atıldı və Kriştianonun yanına qaçdı. "Qızıl top”un beşqat qalibi isə 11 yaşlı uşağı qucaqlayaraq onunla selfi çəkdirməyə razılıq verdi. Elə həmin gün Ronaldo ilə çəkdirdiyi şəkli sosial şəbəkədə paylaşan Berat bir andaca populyar oldu. Maraqlıdı ki, ondan sonra daha 4 nəfər meydana çıxmağa cəhd etsə də, heç biri Ronaldo ilə şəkil çəkdirə bilmədi.

Hətta bununla bağlı məzəli bir olay yaşandı. Final fitinin ardından daha bir nəfər tribunadan meydana atılaraq Ronaldonun yanına qaçmağa cəhd göstərdi. Artıq belə fanatların əlindən təngə gələn stüardlardan biri onu yaxalamaq üçün xüsusi aqressivlik nümayiş etdirmək istədi. Bu zaman onun ayağı sürüşdü və portuqaliyalı forvard Qonsalo Ramoşu yerə sərdi! Şayiələrə inansaq, Ramoşun zədəsi o qədər ciddidi ki, PSJ-nin forvardı hətta son turda Gürcüstana qarşı oyunu buraxa bilər.

Bu arada UEFA-nın bu matçda yaşanan olaylarla bağlı xüsusi bir araşdırmaya başladığı məlum olub. Belə ki, azarkeşlərin belə asanlıqla meydana daxil olması qurumun xoşuna gəlməyib. Məhz Dortmunddakı görüşdə yaşananlar üzündən növbəti oyunlarda artıq təhlükəsizlik tədbirləri gücləndirəcək. Sən demə, Türkiyə ilə oyundan əvvəlki gün keçirilən məşqdə də buna bənzər hadisə baş veribmiş. Portuqaliyanın məşqində futbolsevərlərdən biri Ronaldoya yaxınlaşaraq ona sevgisini nümayiş etdirib. Portuqaliyanın belçikalı baş məşqçisi Roberto Martines isə oyundan sonra "bəxtimiz onda gətirdi ki, meydana çıxanlar yaxşı niyyətliydilər. Əks halda futbolçulara pislik edə, xəsarət yetirə də bilərdilər" açıqlamasını verib.

Sonda 11 yaşlı Berat Uluğ barədə bir qədər ətraflı danışaq. O, Almaniyanın həvəskarlar liqasında çıxış edən "Hessen Kassel”in U-11 komandasının oyun qurucusudu. Həmin komandanın baş məşqçisi türkiyəli Turqay Gölbaşıdı. Berat həmin gün oyuna atası Çətin Uluğla birgə gedibmiş. O, Ronaldo ilə selfi çəkdirə bilib-bilməyəcəyi ilə bağlı dostlarıyla mərc edibmiş. Ata Çətin Uluğ həmin anlar barədə bunları deyib: