Paris Olimpiadası iyulun 26-da start götürəcək.

Artıq 15 idman növündə 48 lisenziyamız bar. Amma lisenziya qazananlar sırasında ağırlıqqaldıranlarımız yoxdu. Bu idman növündə şansımız bitdimi? Bu sualla Ağır Atletika Federasiyasının mətbuat katibi Kənan Məstəliyevə müraciət etdik. Onun "Football-plus.az"a söylədikləri:

"Lisenziya yarışları artıq bitib. Təəssüf ki, Paris Olimpiadasında ağırlıqqaldırma üzrə təmsil olunmayacağıq. Apreldə Taylanddakı dünya kuboku sonuncu lisenziya yarışı idi. Ordakı çıxışlardan sonra xal hesablanması aparıldı, nəticələr hesablandı və dünən son siyahı çıxıdı. Bir daha təsdiqləndi ki, bu dəfə Olimpiadada Azərbaycan ağırlıqqaldıranları olmayacaq".

GÜNAY SÜLEYMANOVA