B qrupu

N 4. İtaliya – Albaniya 2:1 (2:1)

1. Canluici Donnarumma (k)
3. Federiko Dimarko
(13. Matteo Darmian, 83)
5. Rikkardo Kalafyori
23. Alessandro Bastoni
2. Covanni Di Lorentso
18. Nikolo Barella
(25. Maykl Folorunşo, 90+2)
8. Jorjinyo
7. Davide Frattezi
10. Lorentso Pelleqrini
(16. Brayan Kristante, 77)
9. Canluka Skamakka
(19. Mateo Retegi, 83)
14. Federiko Kyeza
(24. Andrea Kambyaso, 77)
Ehtiyat oyunçular
12. Qulyelmo Vikario
26. Aleks Meret
4. Alessandro Buoncorno
6. Federiko Qatti
11. Cakomo Raspadori
15. Raul Bellanova
17. Canluka Mançini
20. Mattia Zakkanyi
21. Nikolo Facoli
22. Stefan Əl-Şaaravi
Baş məşqçi: Luçano Spalletti

23. Tomas Strakoşa (k)
3. Mario Mitay
6. Berat Cimşiti
5. Arlind Ayeti
4. Elseid Hüsay
21. Kristyan Asllani
20. Yulber Ramadani
15. Taulyant Seferi
(14. Kazim Lyaçi, 68)
10. Nedim Bayrami
(17. Ernest Muçi, 87)
9. Yasir Asani
(26. Arbör Hoca, 68)
11. Armando Broya
(7. Rey Manay, 77)
Ehtiyat oyunçular
1. Etrit Berişa
12. Elhan Kastrati
2. İvan Balyu
8. Klaus Qyasulya
13. Enea Mihay
16. Medon Berişa
18. Adrian İsmayli
19. Mirlind Daku
22. Amir Abraşi
24. Maraş Kumbulla
25. Naser Aliyi
Baş məşqçi: Silvinyo
Qollar: N.Bayrami, 1 (0:1). A.Bastoni, 11 (1:1). N.Barella, 16 (2:1).
Vərəqələr: L.Pelleqrini, 22. R.Kalafyori, 51. A.Broya, 52. A.Hoca, 74 - sarı.
Hakimlər: FELİKS SVAYER, Ştefan Lupp, Marko Axmüller (hamısı Almaniya).
VAR hakimləri: Bastian Dankert, Kristian Dingert (hər ikisi Almaniya), Rob Diperink (Niderland).
15 iyun. Dortmund. “Siqnal İduna Park” stadionu. 60512 tamaşaçı (66099 yerlik).
Birinci hissəyə 3, ikinci hissəyə 4 dəqiqə əlavə olunub.
Oyunun ən yaxşısı: Federiko Kyeza.

oyunun statistikası
16 (5) qapıya (“çərçivə”yə) zərbə 8 (2)
7 qayda pozuntusu 7
5 künc zərbəsi 3
2 ofsayd 1
2 (0) sarı (qırmızı) vərəqə 2 (0)
66 topa sahibolma (faizlə) 34
822 (763) ötürmə (dəqiq) 382 (330)
116,6 məsafə (km) 114,8

İtaliya yığması, gözlənildiyi kimi, qitənin son çempionu statusunda keçirdiyi ilk matçda qələbə qazandı. Amma Albaniyadan maksimum xal almaq “skuadra adzurra” üçün heç də asan olmadı. Hakimin start fiti yenicə səslənmişdi ki, B qrupunun aşkar autsayderi sayılan Albaniya hesabı açdı: Dimarkonun səhvindən yararlanan Bayrami 23-cü saniyədə qapıya yol tapdı. Bununla da 25 yaşlı futbolçu Avropa çempionatları tarixinin ən erkən qolunun müəllifi oldu. Əvvəlki rekord AÇ-2004-də 67-ci saniyədə Yunanıstana qol vuran rusiyalı Dmitri Kiriçenkoya məxsus idi. Onu da qeyd edək ki, ilk 16 dəqiqədə 3 qol vurulması turnirin tarixində yeni rekorddu. Belə ki, əvvəlki rekord AÇ-2016-nın 1/8 finalında keçirilən İngiltərə - İslandiya matçında (1:2) qeydə alınmış, onda rəqiblər ilk 18 dəqiqədə 3 qol vurmuşdular. Amma çox erkən buraxılan top italyanları heç də təşvişə salmadı. Dərhal rəqibi qapısına sıxışdıran qitə çempionu çox keçmədən oyunda dönüş yaratdı: maraqlıdı ki, Almaniyaya kifayət qədər yenilənmiş heyətlə gələn apenninlilərin qollarını üç il əvvəlki turnirin qalibləri olan Bastoni ilə Barella vurdular. Meydanda dominantlıq edən İtaliya yığması fasiləyə qədər əhəmiyyətli üstünlük əldə edə bilərdi. Lakin albanların qapıçısı Strakoşa Frattezi ilə Skamakkanın hesabı darmadağın həddinə çatdırmasına imkan vermədi.

“Skuadra adzurra” fasilədən sonra da oyuna nəzarət etdi. Amma ikinci hissə real qol vəziyyətləri baxımından zəngin olmadı. Dortmunddakı matçda diqqəti cəlb edən digər fakt İtaliyanın birdən-birə 4 oyunçusunun 100-dən çox ötürmə verməsi oldu: Jorjinyo 120, Di Lorentso 114, Bastoni 110, Barella isə 105 ötürmə etdi ki, bu da müvafiq statistikanın aparılmağa başlanıldığı 1980-ci ildən sonra AÇ-2020-də İspaniya yığmasının 4 oyunçusunun İsveçlə matçdakı (0:0) məlum rekordunun təkrarlanması oldu.