B qrupu
N 13. Xorvatiya – Albaniya 2:2 (0:1)

1. Dominik Livakoviç
14. İvan Perişiç
(19. Borna Sosa, 84)
4. Yoşko Qvardiol
6. Yosip Şutalo
22. Yosip Juranoviç
8. Mateo Kovaçiç
11. Marselo Brozoviç
(15. Mario Paşaliç, 46)
10. Luka Modriç (k)
9. Andrey Kramariç
(26. Martin Baturina, 46)
17. Bruno Petkoviç
(16. Ante Budimir, 69)
7. Lovro Mayer
(25. Luka Suçiç, 46)

Ehtiyat oyunçular
12. Nedilko Labroviç
23. İvitsa İvuşiç
2. Yosip Stanişiç
3. Marin Ponqraçiç
5. Martin Erliç
18. Luka İvanuşets
20. Marko Pyatsa
21. Domaqoy Vida
24. Marko Paşaliç
Baş məşqçi: Zlatko Daliç

23. Tomas Strakoşa
3. Mario Mitay
6. Berat Cimşiti (k)
5. Arlind Ayeti
4. Elseid Hüsay
21. Kristyan Asllani
20. Yulber Ramadani
(26. Arbör Hoca, 85)
10. Nedim Bayrami
14. Kazim Lyaçi
(8. Klaus Qyasulya, 73)
9. Yasir Asani
(15. Taulyant Seferi, 64)
7. Rey Manay
(19. Mirlind Daku, 85)

Ehtiyat oyunçular
1. Etrit Berişa
12. Elhan Kastrati
2. İvan Balyu
11. Armando Broya
13. Enea Mihay
16. Medon Berişa
17. Ernest Muçi
18. Adrian İsmayli
22. Amir Abraşi
24. Maraş Kumbulla
25. Naser Aliyi
Baş məşqçi: Silvinyo

Qollar: K.Lyaçi, 14 (0:1). A.Kramariç, 74 (1:1). K.Qyasulya, 76-öz qapısına (2:1). K.Qyasulya, 90+5 (2:2).
Vərəqələr: E.Hüsay, 77. İ.İvuşiç, 89 (meydandan kənarda). M.Daku, 90+4. K.Qyasula, 90+7 - sarı.
Hakimlər: FRANSUA LETESYE, Siril Mönye, Mehdi Rahmuni (hamısı Fransa).
VAR hakimləri: Villi Delajo, Jerom Brizar (hər ikisi Fransa), Bastian Dankert (Almaniya).
19 iyun. Hamburq. “Folksparkştadion” stadionu. 46784 tamaşaçı (49000 yerlik).
Birinci hissəyə 1, ikinci hissəyə 6 dəqiqə əlavə olunub.
Oyunun ən yaxşısı: Andrey Kramariç.

oyunun statistikası
20 (5) qapıya (“çərçivə”yə) zərbə 15 (7)
15 qayda pozuntusu 11
3 künc zərbəsi 1
0 ofsayd 4
1 (0) sarı (qırmızı) vərəqə 3 (0)
61 topa sahibolma (faizlə) 39
638 (582) ötürmə (dəqiq) 300 (246)
117,2 məsafə (km) 115,5

Hamburqda ilk turda məğlub olan komandalar qarşılaşdılar. Xorvatiya İspaniyaya (0:3), Albaniya isə İtaliyaya (1:2) uduzduğundan növbəti məğlubiyyət balkanlılar üçün böyük ölçüdə qitə çempionatına erkən vida demək olacaqdı. Bu səbəbdən “Folksparkştadion”dakı matçın dəyəri birəbeş artmışdı.

Xorvatiya aşkar favorit sayılsa da, top ilk dəfə məhz bu komandanın qapısında göründü: İtaliya ilə oyunda start heyətində oynamayan Lyaçi baş məşqçi Silvinyonun etimadını doğrultdu. Topa böyük ölçüdə nəzarət xorvatlarda idi. Lakin onların hücumlarında sürət çatmırdı. Rəqib isə bundan öz xeyri üçün istifadə edə bilirdi. Nəticədə matçın favoriti ilk hissədə Strakoşanın qoruduğu qapı qarşısında bir real qol epizodu belə yarada bilmədi. Əks-hücum taktikası seçən albanlar isə hesabı artırmaq üçün bir neçə imkan qazandılar, lakin şanslardan yararlana bilmədilər.

Zlatko Daliçin bir sıra oyunçuları mübarizəyə qoşmaqla oyunda dönüş yaratmaq planı baş tutdu. Doğrudu, xorvatiyalı azarkeşlər bunu çox gözləməli oldular. Nəhayət, Kramariç, 74-cü dəqiqədə cavab qolunu vurdu. Albanlar bundan özünə gəlməmiş, Qyasulya növbəti təhlükəni sovuşdurmaq istəyərkən topu öz qapısına yönəltdi. Xorvatiya iki dəqiqəyə məğlub durumdan qalibə çevrildilər. Daliçin komandasının hesabdakı üstünlüyünü qoruyacağını düşünmək olardı. Lakin albanlar xarakterə malik komanda olduqlarını göstərdilər. Həmin Qyasulya son dəqiqələrdə arxa xətdə boşluq verən rəqibi cəzalandırmaqla avtoqola görə günahını yumuş oldu. balkanlılar məhsuldar “sülh”ə razılaşdılar. Amma bu nəticə onları çox da qane edə bilməz.

Qeyd edək ki, Albaniya yığması qitə çempionatında 4-cü xalını qazandı. Bu komanda debüt etdiyi AÇ-2016-nın qrup mərhələsində Rumıniyaya minimal hesabla qalib gəlmişdi.