“Biz onu əsas qapıçı kimi transfer etmişik, ancaq...” – “Qarabağ”ın baş meneceri
Musa Qurbanlının “Yurqorden”lə 2026-cı ilə qədər müqaviləsinin olmasına baxmayaraq, sabiq komandası “Qarabağ”a dönüşü ictimaiyyət tərəfindən birmənalı qarşılanmadı.
22 yaşlı hücumçunun uğursuz legioner həyatından sonra vətənə dönüşü Mahir Emreli ilə bağlı da eyni ssenarinin yaşana biləcəyinə işarə edir. Son günlər mediada Xorvatiya “Dinamo”sunda heç cür özünü göstərə bilməyən Mahirin “Qarabağ”a dönüşünün mümkünlüyü haqda xəbərlərin sayı da artmaqdadı. “Football-plus.az” olaraq, mövzuyla bağlı dəqiq məlumat almaq üçün Ağdam klubunun baş meneceri Asif Əsgərovla əlaqə saxladıq:
“İndiki durumda Mahirin “Qarabağ”la heç bir əlaqəsi yoxdu. Bildiyimə görə, onun “Dinamo” ilə müqaviləsinin müddəti hələ davam edir”.
“Qarabağ”ın yeni transferi Fabiyan Buntiçlə bağlı yayılan xəbərlər də maraq doğurur. Belə ki, klubun onu əsas yox, ehtiyat qolkiper kimi transfer etdiyi deyilir. Klub rəsmisi bu yöndə sualımızı belə cavabladı:
“Biz onu əsas qapıçı kimi transfer etmişik. Ancaq bu sualın baş məşqçiyə ünvanlanması daha düzgündü”.
KAMAL SƏFƏR
Digər xəbərlər
