Musa Qurbanlı “Yurqorden”dən ayırılır? - meneceri açıqladı
Həm İsveç, həm də Azərbaycan mətbuatında Musa Qurbanlının gözləntiləri doğrultmadığı üçün “Yurqorden”dən ayrılacağı ilə bağlı xəbərlər yayılır.
“Football-plus.az” xəbər verir ki, hətta hücumçunun klubdan ayrılacağı təqdirdə “Göteborq”a keçidinin reallaşacağıyla bağlı məlumatlar da var. Bu məsələni dəqiqləşdirmək üçün futbolçunun meneceri Tural Əsgərovla əlaqə saxladıq:
“Hazırda heç bir yenilik yoxdu. Bütün deyilənlər şayiədən başqa bir şey deyil”.
Yeri gəlmişkən, Musanın şərəfini qoruduğu “Yurqorden” sabah İsveç kubokunun yarımfinalında səfərdə AİK-lə qarşılaşacaq. Cütün qalibi bir oyunla müəyyənləşəcək.
KAMAL SƏFƏR
