“Mən də bu xəbəri oxudum. Amma məsələ heç də belə deyil. Belə ki, mövsüm başlayandan biz hər kəslə mayın 31-nə qədər müqavilə bağlamışdıq. Həm əmək, həm də xidməti müqavilə mayın 31-nə qədər nəzərdə tutulmuşdu. Aqil Heydərov futbol adamı deyil, bunu dəfələrlə özü də etiraf edib. Sadəcə, Saatlı Olimpiya İdman Kompleksinin direktoru idi. İlkin mərhələdə bizə qoşuldu, klubu birinci liqaya daşımaq yolunda infrastruktur baxımından xeyli kömək elədi. PFL-in tələblərinin Kompleksdə reallaşdırılmasında bizə yardımçı oldu. Klubumuz təxminən 8 aya yaxın Kompleksdə məskunlaşdı. Sonda koteclərdə şərait bir o qədər yaxşı olmadığından, həmçinin yeni bazaya köçməyimizlə bağlı ordan ayrıldıq. Aqil bəy fevralın ortalarından bir neçə dəfə istefayla bağlı müraciət edib. Rəsmi müraciət olmadığından mövsümün sonuna qədər bizimlə oldu. Ona sizin vasitənizlə təşəkkürümüzü bildiririk. Komandamız üçün, Saatlı üçün çəkdiyi əziyyətə, göstərdiyi xidmətə görə minnətdaram”.

“Növbəti təyinatın kimliyi barədə qərar yoxdu. Büdcəni dəqiqləşdirəndən sonra struktur və adlar tərtib edəcəyik. Ötən “futbol ili”ndə yeni olduğumuzdan təcrübəsizlik var idi. Ancaq bu il yetərincə təcrübə topladıq. Yəni bu məsələyə növbəti mövsüm daha çox önəm verəcəyik. Həm kadr-idarəçilik, həm də futbolçular baxımından daha potensiallı heyətlə fəaliyyətə başlamaq niyyətindəyik”.