Karlo Ançelotti 65 yaşının tamam olması münasibəti ilə “Il Giornale” nəşrinə müsahibə verib.

“Football-plus.az” xəbər verir ki, o, müsahibə zamanı xeyli maraqlı məqama toxunub və bir sensasiyalı açıqlama səsləndirib. Baş məşqçinin dediyinə görə, “Real” yenilənmiş Klublararası Dünya Çempionatında (KDÇ) iştirakdan imtina edəcək:

Xatırladaq ki, Klublarası Dünya Çempionatı ötən ilin dekabrında yenilənib. Əvvəlki format sadə və aydın idi, KDC-də bütün regional beynəlxalq turnirlərin – OFK, AFK (Asiya), AFK (Afrika), KONKAKAF, Libertadores Kuboku, Çempionlar Liqasının qalibləri və bonus kimi təşkilatçı ölkənin çempionu iştirak edir. Avropalılar üçün turnir yarımfinaldan başlayır və ən pis halda üç oyun davam edirdi – 3-cü yer uğrunda oyunla birgə. Avropa təmsilçiləri 2000-ci ildən bəri 16 dəfə qələbə qazanmışdı.
Amma indi format genişlənmə istiqamətində dəyişib. Yenilənmiş KDÇ “Mundial de Clubes FIFA” adlanır və gerçəkdən dünya çempionatına bənzəyir. Qitələr üzrə kvota belədi:
UEFA – 12 komanda;
KONMEBOL – 6 komanda;
AFK (Asiya) – 4 komanda;
AFK (Afrika) – 4 komanda;
KONKAKAF – 4 komanda;
OFK – 1 komanda;
turnirin təşkilatçısı – 1 komanda.

Hər birində 4 komanda olan 8 qrup və ənənəvi pley-off sistemi olacaq. FİFA-nın prezidenti Canni İnfantinonun fikrincə, yenilənmiş KDÇ elit peşəkar kişi klub futbolunun zirvəsi olmalıdı. KDC-ni 4 ildən bir keçirmək planlaşdırılır – ilk turnir gələn il iyunun 15-dən iyulun 13-nə qədər ABŞ-də keçiriləcək.

Ancaq indi problem yaranır – belə çıxır ki, “Real” və Ançelottinin dediklərinə inansaq, başqa adı çəkilməyən klublar Amerikaya yollanmayacaq. Bəs onda KDÇ-nin taleyi sual altına düşmürmü? Əslində belə variantı proqnozlaşdırmaq olardı – çoxları daha bir böyük turnirin təşkilinin əleyhinə çıxırdı. Yaxınlarda “Relevo” nəşri belə məlumat yaymışdı ki, “Real”ın düşərgəsində KDÇ də nəzərə alınmaqla bir il ərzində keçiriləcək potensial oyunların sayına görə şoka düşüblər. Madridlilərin hesablamasına görə, bu il avqustun 14-dən (həmin gün Avropa Superkuboku uğrunda oyun keçiriləcək) gələn il iyulun 13-nə (KDÇ-nin finalı) 72 oyuna çıxa bilərlər. Bu isə həqiqətən də çoxdu.

Düzdü, Ançelottinin müsahibəsində söhbət yalnız puldan gedir, futbolçuların yorulması önə çəkilmir. Hərçənd həm Klopp, həm Qvardiola, həm də başqa məşqçilər artıq illərdi sıx qrafikə görə etiraz səsini ucaldır. Odu ki, irəlidə ağır danışıqlar dönəmi olacaq – FİFA “Real”ı KDÇ-yə çəkmək üçün əlindən gələni edəcək. Əks halda yeni turnit startdaca fiasko ilə üzləşəcək.

Ançelotti sonradan sosial şəbəkə hesabında deyilənləri təkzib etdi, daha doğrusu, düzgün anlaşılmadığını dedi: