"Uzun illərdi Azərbaycanda yaşayıram. Futbolun içində olan biriyəm. Daha öncə "Bakı", "Lokomotiv Biləcəri", "Şahdağ" (Quba), "Xan Lənkəran"da işləmişəm. Lənkəranda işləyərkən Vasif İsmayılovla rəqib olduq. Ordan bizim uğurlarımızla əlaqədar bu il bizə bir təklif etdilər. Biz də layihəni müzakirə etdik. Baxdıq ki, inkişafla bağlı gözəl layihələri var. “Füzuli” azad edilmiş rayonlardandı. Ora və o komandaya xidmət etmək bizim üçün böyük şərəfdi. Bizi seçdikləri üçün bütün kollektivə təşəkkürümü bildirirəm. Əlimizdən gələni edəcəyik. Layihələri yaxşıdı. 3 illik müqavilə imzalamışıq. Bu illər ərzində hədəflərimiz öncə birinci liqaya, daha sonra elitaya vəsiqə qazanmaqdı. Bu çərçivə içərisində çalışacağıq. Azərbaycanı, burdakı insanları, futbolçuları tanıyıram. Ölkədə futbol adına çox xidmət etmişəm. Hazırda "Bakı"da, bizim akademiyamızda yetişib, hələ də davam edən oyunçularımız var. Mahir Emreli, Vüqar Mustafayev, Vadim Abdullayev, Rəhman Hacıyev, Şəhriyar Əliyev, Aqil Məmmədov və başqalarını qeyd edə bilərəm. Bildiyiniz kimi, futbolda hər şey mümkündü və heç nəyə təminat yoxdu. 2 il öncə Lənkəranda çox yaxşı komanda formalaşdırmışdıq. Liqaya alınmaq söhbətləri var idi, lakin alınmadı. Belə olduğu halda biz də futbol məktəbi olaraq başqa işlərə baxdıq. Burdakı qardaşlarımıza kömək etməyə çalışdıq. Qısası, burda işləmək, bura xidmət etmək mənim üçün xoşdu. Əvvəla, mən maliyyə baxımından çox tələbkar deyiləm. Burda öz yolumuzda faydalı ola biləcəyimiz şeylərə görə mükafatlandırılmağın hüzur və xoşbəxtliyindən zövq alan bir məşqçiyəm. "Füzuli" də belə bir təkliflə gəldi və anlaşdıq. Maddi cəhətdən gözəl şeylər oldu. Bundan sonra quracağımız komanda da çox önəmlidi. İnşallah, geriyə uğur və çox zəhmət çəkmək qalır. Çox işləyəcəyik, vaxtımızı bu qardaşlarımıza sərf edəcəyik. İnanıram ki, hər şey yaxşı olacaq. Çempionluq üçün oynayacağıq. Allah peşman etməsin".