Qrizmann nəyi arzulayırmış?
İdman dünyasının diqqəti indi futbol üzrə Avropa çempionatı ilə yanaşı, 26 iyul – 11 avqust aralığında keçiriləcək Paris Olimpiadasına da yönəlib.
Bu arada Fransa yığmasının hücumçusu Antuan Qrizmann Olimpiya Oyunlarında iştirak etməyi arzuladığını bildirib:
“Mən həmişə bunu istəmişəm, Olimpiadada iştirak arzum olub. Hazırda klubum bu məsələ ilə məşğuldu. Ancaq bu məqam “Atletiko”dakı gələcəyimi təhlükə altında qoya bilməz. Həm futbol üzrə Avropa çempionatında, həm də Olimpiya Oyunlarında iştirak etmək yorucu olacaq. Mən öz fikrimi demişəm, klub mənim tərəfimi tutacaq, yoxsa tutmayacaq – bunu bilmirəm. Amma Olimpiadada iştirak arzumdu”.
Paris Olimpiadası ilə bağlı başqa xəbərlər də var. Fransada 18 yaşlı Çeçenistan vətəndaşına Olimpiya Oyunlarında terror hazırlamaq maddəsi üzrə ittiham elan olunub. Fransa mediasının yaydığı xəbərə görə, adı açıqlanmayan gənc göz altına alınıb, ona terrorçu təşkilatla əməşdaşlıq üzrə ittiham irəli sürülüb.
Antiterrot Prokurorluğunun yaydığı məlumatda deyilir ki, şübhəli şəxs radikal islamçı ideologiyanın daşıyıcısıdı, Olimpiada vaxtı tamaşaçılara qarşı zorakı hərəkətlər etməyi planlaşdırıbmış.
Ümumiyyətlə, Fransa paytaxtında indi bəzi həyəcan və gərginlik əlamətləri duyulur. Müxtəlif sahələrdə çalışan adamların etriaz aksiyaları ilə bağlı vaxtaşırı xəbər yayırıq. Məsələn, dəmiryolu nəqliyyatında çalışanlar Olimpiada vaxtı əlavə mükafat almaq tələbi ilə Eyfel qülləsinin önündə etiraz aksiyası keçirmişdi.
Digər xəbərlər
