“Doğrusu, bilet satışı gözləntimizdən də yuxarı idi. Məsələ nədən ibarətdi? Biz bir neçə əməkdaşımızın, qonaqlarımızın oyuna gəliş saatı ilə bağlı danışdıqda hər kəsin sözü bu oldu ki, şəhərdə ciddi tıxac var. Bəlkə də bu məqam gəlmək istəyənləri fikrindən daşındırıb. Amma ümumi götürsək, nəqliyyat baxımından azarkeşlərin hansısa problemi ola bilməz. Çünki onların gediş-gəlişi üçün avtobuslar ayırmışdıq. Ancaq avtobus ayırmağımıza baxmayaraq, əksəriyyət fərdi avtomobiliylə gəlmişdi. Bunu istər azarkeşlər, istərsə də digər şəxslər üçün ayrılmış parkinq yerlərindən də görmək olar. Sırf bilet satışıyla bağlı bir şey deyə bilmərik. Ancaq kassalardan da bunu öyrənmək çox asandı. Hətta qarşılaşmaya təxminən 40 dəqiqə qalmış şəxsən mənim özümdən bir neçə nəfər biletsiz gəlməyin mümkün olub-olmayacağını və stadionda satış olub-olmayacağını soruşdu. Mən də belə bir şeyin mümkün olacağını dəqiqləşdirdim və ondan sonra stadiona gəlib, bilet alanlar da var idi. Boşluq məsələsinə gəlincə, etiraf etmək lazımdı ki, yolun uzaqlığı və tıxaclar adamları çəkindirdi. Ancaq ümumi götürəndə Aygün Kazımovanın ifasından az sonra stadion tam dolmasa da, istədiyimiz azarkeş kütləsi var idi. Etiraf edirəm ki, bilet alıb, gəlməyənlər də olmuşdu”.