Srağagün “Qarabağ” çempionluğun ardından kuboku da qazandı.

Eyni gündə “köhlən atlar”ın 34 yaşlı kapitanı Maksim Medvedev də karyerasını başa vurdu. Final matçından əvvəl də, sonra da onun necə hörmət yiyəsi olduğunu azarkeş qruplarının şüarlarından görmək olardı. Həm “İmarət Tayfa”, həm də “Qarabağ Ordu” üzvləri onun adını birağızdan səsləyərək “Qarabağ”ın qüruru, əfsanəvi kapitan Maksim Medvedev” dedilər. Komanda üzvləri əllərində kubok əvvəlcə “İmarət Tayfa”nın qarşısına düzüldülər. Maksim Medvedev və Abbas Hüseynov kubokla “Qarabağ Ordu”nun qarşısına gəlsələr də, onlar ayağa qalxmadı. Həmin an Maksim problemin səbəbini soruşanda belə polemika yarandı:

- Problem nədi? De, mən səni eşidirəm.
- Problem yox, sadəcə, keçən dəfə də çempion olursuz, o tərəfə gedirsiz. Amma bizim yanımıza üç nəfərdən başqa heç kim gəlmir. Belə eləməzlər axı.

- Bizim də futbolçu olaraq sizə sualımız var: “Siz niyə bir yerdə durmursuz?”
- Mentalitetlərimiz ayrı, tamam fərqliyik. Onlar ayrı fanklubdu. Biz 2004-cü ildən sizin yanınızdayıq. Hər oyuna gəlmişik. Naxçıvan, Lənkəran, Şamaxı - bütün bölgə oyunlarına da biz gəlmişik. Sizin yanınızda olmuşuq. Amma siz digər fanklubun yanına gedirsiz, bizim yanımıza gəlmirsiz. Komandadan cəmi iki nəfər gəlib bura. Amma bütün oyunlarda azarkeş qrupu olaraq hamımız gəlmişik. Siz bizə qarşı hörmətsizlik edirsiz, biz sizə etmirik.

- Sizin xətrinizə dəyməsin. Uşaqlar oyundan sonra yorğun olur. Bəzən mən oyunlarda olmuram. Ona görə belə şeylər ola bilər. Buna görə narahat olmayın. Əsas odu ki, siz bura gəlirsiz ki, bizi dəstəkləyəsiz. Siz gələndə bizim oyunumuz tam fərqli olur. Bunu huiss edirik. Futbolçular yorğun olub gedirsə, bundan inciməyin.
- Eyni yorğunluqda bizim qarşımıza iki nəfər gəlirsə, digərləri o biri tərəfdə dayanmamalıdı. Bu ayrı-seçkilikdi. Orda olub, bura gəlməyəndə biz də hörmətsizlik görürük.

- Sonda həll edərik. Sizin yanınıza gəlmişik, kuboku gətirmişik. Qalan məsələləri sonra danışarıq.
- Bizə kubok lazım deyil, hörmət lazımdı!

Xatırlayırsızsa, bir müddət əvvəl fanklub stadionda yeri dəyişdirildiyinə görə Ağdam klubunu boykot etmişdi. Məlum məsələdən sonra komanda üzvləri ilə danışıq olub-olmadığını öyrənmək üçün “Qarabağ Ordu”nun üzvüylə əlaqə saxladıq. O, başverənlərlə bağlı bunları söylədi: