Faiq Qarayevin komandası evdə Avstriyaya uduzub - 2:3 (25:22, 25:19, 23:25, 16:25, 8:15). Görəsən, qələbə qazanmaq üçün nə çatmırdı? Rəqib nə dərəcədə güclü idi? Bu suallarla millinin üzvü Raziyə Əliyevaya müraciət etdik. Onun "Football-plus.az"a söylədikləri:
"Avstriya ilə oyuna üstün başlasaq da, ilk iki setdən sonra komandada arxayınlıq yarandı. Düşünürəm ki, bu da uduzmağımıza səbəb oldu. Məncə, rəqiblə gücümüz bərabər idi. Sadəcə, biz daha çox səhv etdik. Xüsusilə də top qəbulunda və blokda. Qızıl Avropa Liqasında pis çıxış etdiyimizi düşünmürəm. Lakin daha da yaxşısını edə bilərdik".
GÜNAY SÜLEYMANOVA
