“Hahazırda 14 futbolçu ilə məşq edirik. Mayın 30-dan etibarən başladığımız məşqlər iyunun 1-də bitəcək. Daha sonra kubokun final oyunu var. Ayın 2-si buna görə oyunçulara istirahət veririk. Ölkə kubokunun finalında oynayacaq “Qarabağ”la “Zirə”nin oyunçuları, eləcə də müdafiəçi Anton Krivotsyuk və hücumçu Musa Qurbanlı, “Polesye”dən Emil Mustafayev iyunun 3-də kollektivə qoşulacaq. Yəni həmin tarixdən tam heyətlə kampa oturacağıq. Düşərgədə üç gün ərzində yükləmələr diqqət yetiririk. Təbii ki, futbolçuların hazırlığı fərqli səviyyədədi. Bu da bəlli məsələdi ki, bəzilərində çempionat mayın 10-da, bəzilərində 20-si və ya 26-sı başa çatıb. Oyunçuların klublarında sonluqlar fərqli olduğundan fərqli durumdadılar. Çalışırıq ki, onlara məşq prosesində həm fərdi şəkildə, həm də komanda şəklində yanaşaq. Balansı qoruyaq ki, istədiyimiz performansa çatdıraq, maksimum səviyyəyə qaldıraq. Təbii ki, zədədən qayıdan oyunçular var. Bunlar hamısı faktlardi və hər birinə ayrıca yanaşırıq. Həmçinin kubok oyunundan sonra futbolçular fərqli durumda gələcək. Bəziləri az, bəziləri çox oynayacaq. Oonların vəziyyətinə iyunun 3-də keçiriləcək məşqdə baxacayıq. İyunun 4-5-də taktiki məşqlərimiz başlayacaq. Artıq oyuna hansı heyətlə, hansı fəlsəfə ilə çıxacağımızı müəyyənləşdirəcəyik. Hazırda çağırdığımız futbolçuların hər birinin öz yeri var, hər birinə də güvənirik”.

“Hər bir rəqib güclüdü. Albaniya Avropa çempionatına vəsiqə qazanıb, Qazaxıstan millisi isə vəsiqənin biraddımlığındaydı. İkinci bizə tanış rəqibdi, Millətlər Liqasında görüşmüşük. Amma Albaniya ilə çoxdan qarşılaşmırdıq. Təbii ki, maraqlı və güclü komandalardı. Bizim üçün də ciddi sınaq olacaq. Gücümüzu belə komandalarla oyunlarda yoxlaya biləcəyik. Məşqçilər heyəti olaraq, rəqibləri təhlil etmişik, oyun planı hazırlamışıq. Futbolçular toplanışa yığılanda hər iki komanda barədə informasiya veriləcək. Hazırda əsas diqqətimizi Albaniya ilə oyuna yönəltmişik. Ondan sonra fikrimizi Qazaxıstana yönəldəcəyik”.