Bu günlərdə La Liqaya yüksələn ilk klubun adına aydınlıq gəldi.

“Football-plus.az” xəbər verir ki, sequndanın 41-ci turunda ''Vilyarreal B''nı 3:2 hesabı ilə məğlub edən ''Valyadolid'' sona 1 tur qalmış mövsümü ilk iki pillədə bitirməyi rəsmiləşdirdi. Bununla da braziliyalı əfsanə Ronaldonun sahibi olduğu komanda birillik fasilədən sonra elitaya qayıtdı. Mayın 28-də ''Valyadolid''in bu uğuru təmtəraqlı şəkildə qeyd olundu. Komanda üstüaçıq avtobusla şəhərdə fanatları önünə çıxdı. Bu məqamda çox maraqlı və sosial şəbəkələrdə müzakirələrə səbəb olan bir olay yaşandı. Baş məşqçi Paulo Petsolano azarkeşlər arasında o qədər də sevilmir. Uruqvaylı mütəxəssis mövsümün gedişində dəfələrlə fanatlar tərəfindən istefaya dəvət olunmuşdu. Bu dəfə Petsolano avtobusun üzərində olarkən mikrofonu əlinə aldı və mövsümboyu dəfələrlə eşitdiyi ''Petsolano istefa'' tezahüratını özü səsləndirməyə başladı. Fanatlar da onunla birlikdə həmin təzahüratı bağırmağa başladı. Ortaya həqiqətən də maraqlı və əyləncəli görüntülər çıxdı.

ƏLİ