Musanın taleyinə yığmanın düşərgəsində olanda aydınlıq gələcək?
Bu gün haqqında ən çox transfer xəbəri yayılan azərbaycanlı futbolçulardan biri də Musa Qurbanlıdı.
Onun ötən yay keçdiyi “Yurqorden”dən ayrılacağı, birillik icarə əsasında “Qarabağ”a qayıdacağı ilə bağlı xəbərlərin intensivliyi artıb. Görəsən, bu xəbər nə dərəcədə doğrudu? Həqiqətən də, bu yöndə addımlar atılıb? "Futbol+"in suallarına futbolçunun meneceri Tural Əsgərov cavab verdi:
"Hazırda Musanın "Qarabağ"a və ya hansısa başqa kluba keçəcəyi ilə bağlı nəsə demək mümkün deyil. Bazar günü son oyunları var. Daha sonra millinin düşərgəsinə qoşulacaq. Həmin dönəmdə çalışacağıq ki, bir çıxış yolu tapaq. O da tam bizim əlimizdə deyil. Bu istiqamətdə işləməyə davam etsək də, hələ ki xəbər olacaq bir şey yoxdu".
GÜNAY SÜLEYMANOVA
Digər xəbərlər
