“Red Bull” Maqnussenin cəzalanmamasından narazıdı
“Formula-1” üzrə dünya çempionatının Monako mərhələsində yaşanan toqquşmadan xəbərdarsız.
Bir daha xatırladaq ki, ilk dövrədən sonrakı düz yolda “Red Bull”un pilotu Serxio Peres bolidi sağa döndərərkən “Haas”ın pilotu Kevin Maqnussenin maşınına toxunmuş, daha sonra bu komandanın digər pilotu Niko Hülkenberqə dəymişdi. Nəticədə bu üç pilot mübarizədən çəkilmişdi. “Red Bull”un məsləhətçisi Helmut Marko hakimlərin bu toqquşmanı araşdırmamaqla bağlı qərarını təəccüblə qarşılayıb:
“Təhlükə, bizə 2-3 milyona (dollar və ya avro) başa gələcək zədə amili var. Bu hadisə xərclər tavanımıza böyük təsir göstərəcək”.
Meksikalı Peres də danimarkalı Maqnussenin həmin epizodda ona güzəşt etməli olduğunu düşünür:
“Mənim yerimdə olsaydız, yüzdəyüz Kevinin maşınını görməzdiz. Divarlar get-gedə daha yaxın olurdu və iki çıxış yolu var idi: o ya mənim maşınıma, ya da maneəyə çırpılmalıydı. İki maşın üçün sadəcə, yer yox idi. Kevin hansısa məqamda mənim də orda olduğumu dərk etməliydi. Stüardların bu insidentə görə onu cəzalandırmamasına təəccübləndim. Həm də çox-çox təəccübləndim! Bəli, bu, birinci dövrə idi, belə hallar olir. Ancaq Maqnussen həqiqətən təhlükəli hərəkət etdi: gec-tez təmasın olduğunu bilə-bilə qazın pedalını tam basdı. Belə maşın sürmək, sadəcə, təhlükəlidi”.
Digər xəbərlər
