Evdə divarlar da kömək edir...
“Formula-1” üzrə dünya çempionatında 8-ci mərhələ arxada qaldı.
“Football-plus.az” xəbər verir ki, “Ferrari”nin pilotu Şarl Lekler Monakoda finişə birinci çatdı. Bu, 26 yaşlı “knyaz”ın 2022-ci ildən bəri ilk qələbəsidi. O, sonuncu dəfə iki mövsüm əvvəl Avstriyada hamını qabaqlamışdı. “Maklaren”in piloru Oskar Piastri 2-ci, Leklerin komanda yoldaşı Karlos Sayns isə 3-cü yeri tutdu. “Red Bull”un pilotu, hazırkı çempion Maks Ferstappen yalnız 6-cı ola bildi. İlk dəfə ev mərhələsinin qalibi olan Lekler hisslərini belə dilə gətirdi:
“Bütün bunları izah etmək üçün söz tapa bilmirəm. Əlbəttə, bu qələbə mənim üçün çox şey ifadə edir. Axı məhz Monakoda keçirilən mərhələs sayəsində mən uşaqlıqdan bəri günlərin birində “Formula-1” pilotu olmağı arzulamışam. Hardasa finişə 15 dövrə qalmış ümid etməyə başladım ki, sona qədər hansısa gözlənilməz hadisə baş verməz, emosiyalar məni silkələməyə başladı. Atam mənim burda olmağım üçün mümkün olan hər şeyi edib. Hər ikimiz Monako “Qran-pri”sində çıxış etməyimi istəyirdik. Və indi məhz burda - Monakoda qalib gəldiyimə inana bilmirəm”.
Yeri gəlmişkən, Monako mərhələsi toqquşmasız da ötüşmədi. Yarış elə ilk dövrədə üç pilotun iştirak etdiyi qəza üzündən dayandırıldı. İlk dövrədən sonrakı düz yol yolda “Red Bull”un pilotu Serxio Peres bolidi sağa döndərərkən arxa sağ təkəri ilə “Haas”ın pilotu Kevin Maqnussenin maşınının önünə toxundu. Belədə Peresin maşını fırlanaraq Maqnussenin komanda yoldaşı Niko Hülkenberqə də dəydi. Nəticədə adı çəkilən üç pilot mübarizədən çəkildi. Ancaq onlar bolidi müstəqil şəkildə tərk edə bildilər. Toqquşma pilotların sağlıq durumunda problem yaratmadı. Bununla belə, yarış dayandırıldı, təhlükəsizlik maşını trassa daxil oldu.
Təsnifat mərhələsi
1. Şarl Lekler (Monako) 1.10,270
2. Oskar Piastri (Avstraliya) 1.10,424
3. Karlos Sayns (İspaniya) 1.10,518
4. Lando Norris (B.Britaniya) 1.10,542
5. Corc Rassell (B.Britaniya) 1.10,543
6. Maks Ferstappen (Niderland) 1.10,567
7. Lüis Hemilton (B.Britaniya) 1.10,621
8. Yuki Sunoda (Yaponiya) 1.10,858
9. Aleksandr Albon (Tayland) 1.10,948
10. Pyer Qasli (Fransa) 1.11,311
11. Esteban Okon (Fransa) 1.11,285
12. Niko Hülkenberq (Almaniya) 1.11,440
13. Daniel Rikkyardo (Avstraliya) 1.11,482
14. Lens Stroll (Kanada) 1.11,563
15. Kevin Maqnussen (Danimarka) 1.11,725
16. Fernando Alonso (İspaniya) 1.12,019
17. Loqan Sarcent (ABŞ) 1.12,020
18. Serxio Peres (Meksika) 1.12,060
19. Valtteri Bottas (Finlandiya) 1.12,512
17. Quanyuy Çjou (Çin) 1.13,028
Həlledici mərhələ
260,286 km (3337 metrlik 78 dövrə)
1. Şarl Lekler Ferrari 2:23.15,554
2. Oskar Piastri Maklaren +7,152
3. Karlos Sayns Ferrari +7,585
4. Lando Norris Maklaren +8,650
5. Corc Rassell Mersedes +13,309
6. Maks Ferstappen Red Bull +13,853
7. Lüis Hemilton Mersedes +14,908
8. Yuki Sunoda RB 1 dövrə
9. Aleksandr Albon Uilyams 1 dövrə
10. Pyer Qasli Alpin 1 dövrə
11. Fernando Alonso Aston Martin 2 dövrə
12. Daniel Rikkyardo RB 2 dövrə
13. Valtteri Bottas Zauber 2 dövrə
14. Lens Stroll Aston Martin 2 dövrə
15. Loqan Sarcent Uilyams 2 dövrə
16. Quanyuy Çjou Zauber 2 dövrə
Kevin Maqnussen, Niko Hülkenberq (hər ikisi “Haas”), Serxio Peres (Red Bull) və Esteban Okon (Alpin) finişə çatmayıb.
Şəxsi birincilik
1. Maks Ferstappen 169 xal
2. Şarl Lekler 138
3. Lando Norris 113
4. Karlos Sayns 108
5. Serxio Peres 107
6. Oskar Piastri 71
7. Corc Rassell 54
8. Lüis Hemilton 42
9. Fernando Alonso 33
10. Yuki Sunoda 19
11. Lens Stroll 11
12. Oliver Berman 6
13. Niko Hülkenberq 6
14. Daniel Rikkyardo 5
15. Aleksandr Albon 2
16. Esteban Okon 1
17. Kevin Maqnussen 1
18. Pyer Qasli 1
Mühəndislər kuboku
1. Red Bull 276 xal
2. Ferrari 252
3. Maklaren 184
4. Mersedes 96
5. Aston Martin 44
6. RB 24
7. Haas 7
8. Uilyams 2
9. Alpin 2
Digər xəbərlər
