Barışmaz rəqiblər olan PSJ ilə “Lion”un mübarizəsi hələ komandalar meydana çıxmamış başladı.

“Football-plus.az” xəbər verir ki, rəqib fanatlar oyundan əvvəl böyük qalmaqal törətdi. A1 avtomagistralında onları Lillə səfər zamanı müşayiət edəcək polisin gəlişini gözləyən PSJ-nin ultrası münaqişədən qaça bilməyib. Toqquşma nəticəsində “Lion” azarkeşlərinin avtobusu ziyan görüb, nəqliyyat vasitərlərində biri yanıb. Trass hər iki istiqamətdə bağlanıb, polis münaqişənin qarşısını almaq üçün gözyaşardıcı qazdan istifadə etməli olub. Ölkə prezidenti Emmanuel Makron da bu hadisəyə biganə qalmayıb:

Yaşı meydanda yaşananlara gəlincə, çempion ilk dəqiqələrdən təşəbbüsü ələ alaraq bir neçə təhlükəli vəziyyət yaratdı. Dembele – Beraldo – Mbappe kombinasiyasının ardından sonuncunun zərbəsi qapıdan azca aralı keçdi. “Şirlər” buna Benrahmamım qeyri-dəqiq zərbəsi ilə cavab verdi, top toru üstdən silkələdi. Parisi major notda tərk etmək istəyən Mbappe qol vurmaqdan ötrü alışıb-yanırdı. Ancaq onun zərbələlərində dəqiqlik çatmadı. PSJ ilk yarının ortalarında irəli çıxdı. Mendeşin sol cinahdan asmasından sonra Dembele qapıçı meydançasının küncü üzərindən başla qapıya dəqiq zərbə vurdu. Bir qədər sonra paytaxt təmsilçisi fərqi artırdı. Bu dəfə də qolda əsas rolu Dembele oynadı. Onun asmasından sonra Ruis iki cəhddə qapıya düşə bildi. “Lion” 2-ci hissənin əvvəlində O'Brayenin vurduğu qol sayəsində oyuna döndü. Donnarumma oyunun sonrakı bölümündə də tər tökməli oldu. PSJ-nin qapıçısı Talyafikonun baş zərbəsindən sonra gözəl seyvlə yadda qaldı. Donnarummanın həmkarı Perri də də boş dayanmırdı, parislilərin zərbələrini dəf etməli olurdu. Nəticədə qələbə hesabını qoruyan PSJ mövsüçü üç titulla bitirdi.

Lion – PSJ 1:2
Lion: Perri, Mata (Meytlend-Nayls, 73), O'Brayen, Çaleta-Sar, Talyafiko, Matiç (Balde, 86), Şerki (Nuama, 67), Kakere, Tolisso (Manqalya, 74), Benrahma (Fofana, 74), Lakazett.
PSJ: Donnarumma, Hakimi, Markinyos, Beraldo, Mendeş, Zair-Emeri, Vitinya, Ruis, Dembele (Asensio, 90+2), K.Mbappe, Barkola (Li Kan İn, 85).
Qollar: Dembele, 22 (0:1). Ruis, 34 (0:2). O'Brayen, 55 (1:2).
Vərəqələr: Çaleta-Sar, 45+2. Dembele, 88. Talyafiko, 88 – sarı.
Hakim: Fransua Letesye (Bordo).
25 may. Lill. “Pyer Morua” stadionu.

Faktlar
* PSJ 15-ci dəfə ölkə kubokunun qalibi oldu. Parislilər 2021-ci ildən bəri ilk dəfə bu titula qazandı. Kubokda 15 qələbə Fransa rekordudu. Bu göstəricidə 2-ci olan “Marsel”in 10 titulu var. PSJ daha 5 dəfə finalda uduzub.
* PSJ trebl etdi. Komanda Luis Enrikenin rəhbərliyi altında keçirdiyi ilk ilkdə həm çempion oldu, həm Fransa kuboku ilə Superkubokunu qazandı. Parislilər sonuncu dəfə mövsümü ən azı iki titulla 2020-ci ildə bitirmişdilər. Həmin il onlar yuxarıda adı çəkilən üç turniri, eləcə də artıq ləğv olunan Liqa kubokunu qazanmışdılar.
* Kilian Mbappe PSJ-nin heyətində titul sayını 15-ə çatdırdı. Gənc ulduz 6 dəfə ölkə çempionu olubsa, 4 dəfə ölkə kubokunu, 3 dəfə Fransa Superkubokunu, daha 2 dəfə Fransa Liqa kubokunu başı üzərinə qaldırıb.
* Mbappe PSJ-nin 21-ci əsrdəki ən faydalı futbolçusudu. Gənc hücumçu bu komandanın heyətində keçirdiyi 308 oyunda 352 məhsuldar heyətlə yadda qalıb. O, 256 qol vurub (klub rekordudu) və 96 məhsuldar ötürmə verib. Edinson Kavaninin hesabında “qol+ötürmə” sistemi üzrə 236 (200+36), Zlatan İbrahimoviçin hesabında isə 210 (156+54) xal var. Mbappe 2017-ci ildən şərəfini qoruduğu PSJ-nin heyətində şənbə günü sonuncu oyununu keçirdi.
* PSJ Fransa Superkuboku uğrunda oyunda “Monako” ilə qarşılaşacaq. Bu oyun avqustun 11-də Pekində keçiriləcək. Parislilər bu oyunda ölkə çempionu və kubokun sahibi, “knyazlar” isə gümüş mükafatçı kimi çıxış edəcək. PSJ Fransa Superkubokunu hamıdan çox – 12 dəfə qazanıb, “Monako”nun belə oyunlarda 4 qələbəsi var. PSJ ötən il Superkubok uğrunda oyunda “Tuluza”nı 2:0 hesabıyla məğlub edib.

Reaksiya
Kilian Mbappe, PSJ-nin hücumçusu: