“Hazırlıq planında heç nəyi dəyişmədik. Bu mövsüm 51 oyun keçirmişik. Bu haqda dəfələrlə danışmışıq. Bizim futbolçularımızda, sadəcə, oyuna tam hazırlaşmaq anlayışı var. Qarşıdakı iki matçda da vəzifəmiz qələbə qazanmaqdı. Bu, mənim Qasperini ilə ilk görüşüm olacaq. Mənim üçün böyük şərəfdi. Hər iki komanda 3-4-3 sxemində oynayır, lakin biz çevik ola və matçın gedişində taktikanı dəyişə bilərik. “Atalanta”nın futbolçularının oyunlarına baxanda görürəm ki, xüsusi hərəkətlər edə bilirlər. Onlardan yeni nəsə öyrənirsən. Biz buna hazırlaşmağa çalışmışıq. Amma oyun planı bir şəkil, matç isə filmdi”.

“Klubla yeni uzunmüddətli müqavilə bağlamağa yaxınıq. Bir sıra detalları razılaşdırmaq qalır. Bu məsələlərin həftəsonuna qədər həll olunmasını istərdim. Yekun anlaşmanın necə olacağını deyə bilmərəm, amma hazırkı məqamda ciddi problem yoxdu”.

“Səninlə bu qədər özəl anları və uğurları bölüşmək mənim üçün xoş idi. Sən unikal bir oyunçu və fərqli bir insansan, ən yaxşılardansan. Həmişə mənim komandamdasan, Toni (karyerasını mövsümün sonunda başa vurmaq qərarına gələn “Real”ın yarımmüdafiəçisi Toni Kroosu nəzərdə tutur – R.Y.). Yeni həyatından və gözəl karyerandan həzz al”.

“Hər şey üçün çox sağ ol, Toni! Meydanı səninlə birgə bölüşmək mənim üçün böyük qürurdu. Sənə gələcək həyatında ən yaxşısını arzulayıram!”

“Pis mövsüm keçirdiyimi hesab edirlərsə, mən bu vəziyyətlə razıyam. Yaxşı, qoy, belə olsun: mənim üçün pis mövsüm idi. Yeganə yol irəliyə baxmaqdı. Nifrət edənlər və tənqidçilər nə qədər çox olsa, bir o qədər yaxşıdı”.

“Mənim üçün ən çətini “Roma” ilə iki avrokubokun finalına çıxmaq idi (Mourinyo “Roma” ilə Konfrans Liqasının qalibi olub və Avropa Liqasının finalında uduzub – R.Y.). Tarixə baxın və bunun səbəbini anlayacaqsız. Onlar 50 il ərzində heç vaxt bunu bacara bilməyiblər. Mən bununla bir o qədər fəxr edirəm”.

“Gözləmədiyim nəticə oldu, daxilimdə “Bayer”in dominantlıq edəcəyini, italyanların isə böyük qüvvə ilə müdafiə olunacaqlarını düşünürdüm. Lakin “Atalanta”nın təklif etdiyi oyuna rəqibi heç cür hazır deyildi. Bu komandanın oyunçuları meydana mübarizə aparmaq, meydanın bir qarışını da uduzmamaq, almaniyalılar isə gözəl oyun sərgiləmək, estetik cəhətdən fərqlənmək və ustalıq nümayiş etdirmək üçün çıxmışdılar. Amma müasir dövrdə gözəl oyunla həmişə qalib gəlmək olmur. “Atalanta” rəqibinə öz oyununu oynamaq imkanı vermədi. Ümumiyyətlə, “Bayer” hücum xəttində heç nə edə bilmədi. Son dəqiqələrə qədər Mirançukun meydana çıxacağına ümid edirdim. Rusiya futbolunu finalda təmsil etməsini istəyirdim. Necə ki, Dmitri Aleniçev başqa komandaların heyətində avrokubokların finallarında meydana çıxaraq qol vurmuş və məhsuldar ötürmə vermişdi. Lakin təəssüf ki, Aleksey vacib oyunda özünü göstərmək şansı qazanmadı”.

“Yunayted” premyer-liqada sonuncu dəfə 2013-cü ildə çempion olub. 11 il əvvəl. Amma onlar (azarkeşləri nəzərdə tutur – R.Y.) bizdən bütün oyunlarda qələbə və ən yüksək səviyyədə rəqabət aparacağımızı gözləməyə davam edirlər. Bu klub buna hazır deyil. Biz işə nəsə qurmaqdan başlamalıydıq və ötən mövsüm bu planda müəyyən işlər gördük. Amma sonra burda heç kimin heç vaxt hər şeydən razı qalmadığını hamı gördü. Əslində klubda ötən mövsümdən başlanılan işlərdən razılıq edənlər kifayət qədər idi, lakin klubun ətrafındakılar yalnız böyük səs-küy qoparmaqla yadda qaldılar: mən ilk mövsümdə yalnız Liqa kubokunu qazandım, İngiltərə kubokunun finalında məğlub oldum və premyer-liqada 3-cü yeri tutdum... Deməli, sizin reallığı anlamaq hissiniz yoxdu. Başqa klubların heyəti bizimlə müqayisədə daha güclü idi”.

“Çoxları “Yunayted”i premyer-liqada 31 xal qabaqladığımız üçün qalib gələcəyimizi düşünürlər. Bizim üçün asan oyun olacağını deyirlər. Bunu anlayıram, amma qarşıdakı matç başqa turnirə aiddi və mübarizə yalnız bir oyundan ibarətdi. Komandamız oyunun gedişində meydanda azlıqda qala, yanlış qərarlar verilə bilər, kobud səhvlərə görə də uduza bilərik. Bəli, final ərəfəsində məlub ola biləcəyimizi də düşünürük. Biz uzunmüddətli mübarizədə “Yunayted”dən yaxşı komandayıq, bu aydındı. Bu faktdı. Ancaq bir oyundan ibarət mübarizədə nə desən, baş verə bilər. Futbolçularımız bunu bilir və dərk edirlər. Bu səbəblərdən mövsümün son oyununa hazır olduğumuza və İngiltərə kubokunu qazanmağa çalışacağımıza ümid edirəm”.

“Atalanta”nı Avropa Liqasındakı qələbə münasibəti ilə təbrik edirəm. Qasperini və komandası bu qələbəyə layiq idi. Onlar hədəfə yüksək sürət, pressinq və diqqətli oynamaq sayəsində çatdılar. Ademola Lukman (“Atalanta”nın hücumçusu “Bayer-04” üzərində 3:0 hesablı qələbədə het-trik etməklə rol oynayıb – R.Y.) isə sözsüz, finalın ən yaxşı oyunçusu idi”.

“Lukman oyunboyu necə mövqe seçmək, rəqibi arxada qoymaq və zərbə endirmək üzrə ustad dərsi verdi. O, təkbətək mübarizələrdə necə qalib gəlmək lazım olduğunu əyani göstərdi! Lukman rəqiblərini müvazinətini itirməyə vadar etdi və dərhal özü üçün necə hərəkət etmək lazım gəldiyinə dair ən doğru qərarları verdi”.

“Sizinlə son 7 illik təcrübəni və qazandığımız bütün titulları bölüşmək çox xoş və unudulmaz idi. Gələcək karyeranızda uğurlar diləyirəm. Yenidən görüşəcəyimizə ümid edirəm”.

“Avropa çempionatından sonra milli komanda ilə vidalaşacağam. Yerimi gənclərə verməyin vaxtı yetişib”.

Virts Madridə yollanmağa hazırdı. O, artıq “Real”da oynamaq üçün yetişib. Bu baxımdan Cud Bellingemin durumundadı: o, “Borussiya”nı tərk edəndən sonra ən yaxşı oyunçularla birgə oynamaqla səviyyəsini qısa zamanda artırdı”.

“İndi gənc olsaydım, daha yaxşı oynayardım. Çünki hazırkı dövrdə futbolçular çox qaçır və həddən artıq axmaq səhvlər edirlər. Mən futbol oynadığım dövrdə də fiziki hazırlığa xüsusi diqqət yetirilirdi. Amma futbolçular texnikalı və ağıllı futbol oynayırdılar”.

“Ətrafımda çox söz-söhbət dolaşır. Amma əksər xəbərlər doğru deyil. Mən indidən “Barselona”da növbəti mövsüm haqda düşünürəm. Özümlə bağlı yalnız bunu deyə bilərəm”.

“Mövsüm bizim üçün çətin keçdi. Klubla müqaviləmin müddəti tezliklə sona çatacaq. Futbol oynamağa davam etmək istəyirəm, baxarıq...”

“Komandanı qarşıda keçid dövrü gözləyir və mən də bu prosesin iştirakçısı olacağam. Dəfələrlə dediyim kimi, bu klubda özümü xoşbəxt sayıram. “Liverpul” artıq həyatımın ayrılmaz hissəsinə çevrilib. Heyətimizdə çox dəyişiklik olacaq. Mən buna görə çox da narahat deyiləm. Nə olacaqsa, maraqlı və zəruri yerdəyişmələr baş verəcək”.

“Oyun planı bir şəkil, matç isə filmdi”