“Mən konkret anı yaşamağa çalışıram və indi çox yaxşı məqamdı. Narahat olmaq üçün vaxt olacaq, məqsəd odu ki, bunu mümkün qədər təxirə salaq. Biz bu anın, bu möhtəşəm, builki ən böyük və gözəl oyunun ləzzətini yaşamalıyıq. Növbəti dəfə final oynayacağımıza görə çox şadıq. “Real” kimi, Dortmund “Borussuya”sı da finalda olmağı haqq edib. Bu, parlaq fərdlərin də olduğu möhkəm, yığcam komandadı”.

“Komandanın bu il göstərdiyi ən böyük keyfiyyət kollektiv köklənmə, vahid, tam orqanizn kimi çalışmaq bacarığıdı. Düşünürəm ki, bu il məhz bu, həlledici amil idi. Yolun əvvəlində müəyyən çətinliklərlə üzləşsək də, bu il fantastik alındı. Demək olar ki, bu komandanın ən yaxşı keyfiyyətləri rəqabətədavamlılıq, intizam və istənilən maneəni aşmaq bacarığıdı”.

“Bu futbol formasını geyən adamın nə hiss etdiyini anlatmaq çətindi. Bu, klubun tarixindən və ənənələrindən irəli gəlir. Madriddə olan oyunçular qrupu hansısa xüsusi hisslər yaşayır. Məhz bu məqam bizə heç kimin gözləmədiyi əlavə energini üzə çıxarmağa yardım edir”.

“İlk növbədə iki məqamı önə çəkərdim: ehtirası və asılılığın olmamasını. Düşünürəm ki, asılılıq xəstəlikdi. Xoxbəxtlikdən mənim asılılığım yoxdu. Ehtiras özünü göstərir və mənə karyeramı uzatmaqda yardım edir”.

“Mən topa sahib olan futbolçuların yaradıcı potensialına çox inanıram. Onları əvvəlcədən müəyyən formalara salmağı bəyənmirəm, bir çox məsələni öz öhdələrinə buraxıram. Əlbəttə, biz topsuz da işləməliyik, taktiki bacarıqlarımızı göstərməliyik, məşqlərdə bu elementlər üzərində çalışırıq. Ancaq yaradıcı yanaşma mənim üçün təməl prinsiplərdəndi, xüsusən də belə böyük istedada malik olan futbolçularla çalışanda”.