“Bu suala konkret cavab verə bilməyəcəm. Çünki hazırda Türkiyədə forma geyən futbolçularımızdan, demək olar ki, heç birini şəxsən tanımıram. Xüsusi münasibətim olmadığına görə onların necə düşündüyünü və hansı məqsədlə Türkiyəyə getdiyini bilmirəm. Ümumiyyətlə, fikrim odu ki, karyerasını düşünən, daha doğrusu, karyerasında inkişafı düşünən, yəni maliyyəni yox, sırf öz gələcəyini fikirləşən futbolçunun Türkiyəyə getməsi düzgün deyil. Xüsusən də gənc oyunçulara aiddi. Ancaq burda belə bir məqam da var ki, Azərbaycanda qalmaqdansa... Deyək ki, “Qarabağ” və qalan 2-3 klub istisna olmaqla, burda qalmaqdansa, Türkiyəyə, hətta 1-ci diviziona gedən futbolçunu qınamaq da düzgün deyil. Bu bir az mübahisəli mövzudu. Hər bir hal xüsusi incələnməlidi. Bu üzdən də kiminsə gedişini düzgün, kimininsə də gedişini yanlış saymaq olar. Bir də heç bir halda maliyyə məsələsini kənara qoymaq olmaz. Çünki bu, futbolçuların işidi, əməyidi. Yəni nəzərdə tutursunuzsa ki, hansısa futbolçu, ümumiyyətlə, pulu düşünmədən, gələcəkdə daha yaxşı bir yerə gedib, daha yaxşı pullar qazanmağı düşünərək addım atmalıdı? Belə yanaşma da doğru deyil. Futbolçu atacağı hər addımda maaşını da düşünməlidi”.

“Türkiyəyə getmək o qədər asan məsələdi ki, yəni heç bir variant tapa bilməyən ora üz tutur? O ki qaldı Avropada çıxış edənlərə, həmin futbolçularımız hazırda müqavilələri davam etdiyi üçün istəyərlər ki, ən azı icarə əsasında başqa Avropa klubunda çıxış etsinlər. Pul qazanmağa gəlincə, bu, fərdi məsələdi. Yəni biri pulu, biri karyerasını düşünə bilər. Bunu ümumilikdə hamısına aid etmək olmaz”.