“Müalicəm davam edir. Hər gün xəstəxanaya gəlib-gedirəm. Hazırda fizioterapiyadan çıxmışam. Həkimlərin dediyi kimi, 6 aydan 8 aya qədər davam etməlidi. Bu ayın sonuna qədər fizioterapiya davam edir. Sonra yenə də davam edəcək. Baxılacaq vəziyyətə, ona uyğun nəsə deyəcəklər. Hələlik dərman və terapiya alıram”.

"Maraqlananlar təkcə köhnə dostlarımdı. İlham Yadullayev, “Neftçi”də birgə oynadığım Vladimir Poşexonstsev, Leonid Kalfa və "Qarabağ"dan Denis Sokolovski, həmçinin Ədəhim Niftəliyev yazır, zəng edirlər. AFFA-dan bir həkim var, o zəng edir, "nə var, nə yox, hansı həkimə gedirsən, necəsən", - deyə soruşur. Maddi cəhətdən ancaq Heydər Əliyev Fondu dəstək olur. Dərman lazım olanda zəng edirəm, onlara deyirəm, hansı dərman lazımdısa, onu təmin edirlər, aptekdən götürürəm. "Neftçi"dən dəstək barədə heç nə çıxmayıb, yəni görməmişəm. Onsuz da hər şey var. Bəlkə ona görə addım atmırlar. Düşünürlər ki, Fond edir. Özüm də nəsə istəməmişəm. Fikirləşirəm bunlar tezliklə bitəcək. Bircə problemim var, o da iş barəsindədi. Ümumiyyətlə, ayın sonuna qədər yox, ondan sonra iş barəsində düşünürəm. Yəni fizioterapiya bitəndən sonra rahat işləyə bilərəm. O da olsa...”