Misli premyer-liqasının 34-cü turunda “Neftçi” “Kəpəz”i 5:1 hesabıyla məğlub edib.

“Football-plus.az” xəbər verir ki, matçdan sonra “ağ-qaralar”ın köməkçi məşqçisi Saşa Petroviçin mətbuat konfransı keçirilib. Sizi onun fikirləri ilə tanış edirik:

- Qeyd etdiniz ki, “Neftçi” futbolçuları bu gün xarakter göstərdilər. Bəs, komanda ötən turda uduzduğu görüşdə niyə həmin xarakteri göstərə bilmədi?
- Çətin sualdı. “Qarabağ”la oyun haqda onu deyə bilərəm ki, onlar yəqin hazırda bizdən daha yaxşı komandadı. Son dörd aydı ki, burada çalışırıq. Yaınız bu mərhələdə müəyyən diaqnozları qoya bildik. İndi isə irəliyə baxa bilərik. Hansı istiqamətdə işləmək lazım olduğunu da anlayırıq. Yaxşı haldır ki, Ağadadaş Salyanski və Brayan Moreno qollarını vurdular. Bu da “Neftçi”nin gələcəyi üçün faydalıdı. “Qarabağ”la oyunu unutmalı, gələcəyə baxmalıyıq.

- Miodraq Bojoviçin yeri nə dərəcədə görünürdü? Sizə hansı təlimatlar verirdi?
- Bojoviçlə uzun müddətdi ki, birlikdə çalışırıq. Hər şey qaydasında idi. Nəticə də bunu əyani olaraq göstərir.

- Emin Mahmudov dörd oyundu ki, zədə səbəbindən oynamır. Qarşıdakı iki həlledici görüşdə oynaya biləcək?
- Mahmudovun meydanda olmaması bizim üçün çətinlik yaradı, əsl çatışmazlıqdı. Amma bu daha çox baş məşqçiyə ünvanlanacaq sualdı. Komanda bu gün çox istəkli idi. Bizi qarşıda iki final gözləyir.

- İndiki “Neftçi”nin neçə faiz futbolçusunu dəyişmək lazımdı ki, “Qarabağ”a qarşı daha yaxşı oynayasız?
- Çətin sualdı. Biz bu mərhələdə diaqnozu müəyyən edə bildik. İnanırıq ki, qalsaq, güclənmə prosesi davam edəcək. Qış “transfer pəncərəsi”ndə yaxşı oyunçuları buraxan komanda yoxdu. İnanırıq ki, növbəti mövsüm üçün komandaya daha da güclü oyunçuları cəlb etmək imkanımız olacaq. Yens Anderson bu istiqamətdə işlərə başlayıb. Məsələyə nikbin baxıram.

- Lukas Melano haqda hansı fikirdəsiz?
- Meydanda qısa müddət oynadı. Ona görə də, çox danışmaq çətindi. Amma Lukas yaxşı futbolçudu. Məşqlərdə ciddidi. Ona görə də, Lukası da meydana buraxıb, şans vermək lazım idi.

- "Neftçi" azarkeşləri sosial şəbəkələrdə yazır ki, hazırkı komanda avrokuboklara getməsə yaxşıdı. Siz necə düşünürsüz, avrokuboklara vəsiqə qazansanız, normal komanda formalaşdırmaq üçün zamanınız olacaq?
- Məncə, bacaracağıq. Avrokuboklarda iştirak hər zaman təcrübə deməkdi.

- Avrokuboklara vəsiqə uğrunda əsas rəqibləriniz “Zirə", “Sabah” və “Sumqayıt”dır. Şansları necə dəyərləndirirsiz?
- Mən ancaq öz komandam haqda düşünürəm. Avrokuboklara vəsiqə qazanmaq üçün növbətim iki oyunda qələbə qazanmaq haqda fikirləşirik. Digər rəqiblər barədə nəsə düşünmürəm.