“Yaxşı oyun oldu. Amma çətin səfər idi. “Kəpəz”lə oyunlarımız həqiqətən alınmır. Bəlkə də başqa görüşlərimizə baxanda bu komandayla oyunlarda qol imkanlarımız həddən çox olur. Amma nədənsə biz bu imkanlardan yararlana bilmirik. Yəni yüzdəyüz qol epizodlarında top ya tirə tuş gəlir, ya da qapıçı dəf edir. Buna baxmayaraq, heç bir problem yoxdu. Uşaqlar çox gözəl futbol nümayiş etdirdilər, hər şey qaydasındadı. İnanıram ki, mövsümü yaxşı pillədə başa vuracağıq. Ən önəmlisi odu ki, oyunçuların özgüvəni artıb. Əsas olan bir məqam da budu ki, hər futbolçumuz oyundan sonra öz çıxışından zövq alsın. Doğrudu, nəticə baxımından üzüldülər. Ancaq onları təbrik etdim. Çünki pis oynamağa üzülmək olar, amma yaxşı mübarizə aparıb, sadəcə, bəxtsizlikdən məğlub olmaq tam başqadı”.