Messi gözlənilən dəvəti alıb
Lionel Messinin bu il Parisdə keçiriləcək Yay Olimpiya Oyunlarında iştirak şansı var.
"Football-plus.az" xəbər verir ki, 23 yaşadək futbolçulardan ibarət Argentina yığmasının baş məşqçisi Xavyer Masçerano onun Olimpiadada çıxış etməsini istəyir.
Qeyd edək ki, Yay Olimpiya Oyunlarının futbol yarışlarında ölkələrin U-23 yığmaları mübarizə aparır. Reqlamentə görə, hər milli komandanın yaşı 23-dən çox olan üç oyunçunun xidmətindən yararlanmaq hüququ var. Maskerano ilk növbədə məhz Messini komandasında görmək istəyir. Başqa sözlə, Pekin-2008-də Argentina millisi ilə qızıl medal qazanan Lionel karyerasında ikinci Olimpiadada iştirak edə bilər. Masçerano “TyC Sports”a verdiyi müsahibədə 36 yaşlı futbolçu ilə danışıq apardıqlarını, məlum planını reallaşdırmağın asan olmadığını etiraf edib:
“Mən Lionellə bu haqda danışmışam, biz ona dəvət göndərmişik. Danışıqlara davam edəcəyik. O, “İnter Mayami” ilə mövsümə yenicə başlayıb və bizim Yay Olimpiya Oyunlarına qədər hələ bir az vaxtımız var. Nəzərə almalıyıq ki, Messi bu yay Amerika Kubokunda da oynayacaq. Bu isə asan vəziyyət deyil”.
Digər xəbərlər
