“Məsələ ondadı ki, mən heç kimdən imtina etməmişəm. Eldəniz Yusubov mənə zəng etdi ki, bəs klub rəhbərliyi fikrinizi bilmək istəyir. Sonra mənim qarşıma şərt qoyuldu, mən də “yox” dedim. Sonradan zənglərə cavab verə bilməmişəm, geridönüş edəndə isə mənim telefonuma reaksiya verilmədi. Bu məsələ belə də qaldı. Onsuz da illərdi üstümə şər atılır, adıma ləkə yaxılır. Bu dəfə də deyildi ki, Tərlan Əhmədov klubun təklifini rədd etdi. Amma elə bir şey olmayıb. Sadəcə, danışa, razılığa gələ bilməmişik. Bəzi insanlar şişirdib, başqa formada təqim edir. Vaxtilə "Keşlə"də, "Neftçi"də, "Kəpəz"də - hamısında nəticə versəm də, adıma o qədər sözlər çıxarıldı. İndi yenə də qısa bir söhbət olub, onu da şişirdirlər ki, imtina etdi. Elə bir şey yoxdu. Şərtlərdə razılaşmamışıq, sadəcə, məsələ bu formada olub. Hər halda, Elmar Baxşıyev gətirildi. Uğurlar arzulayıram”.

“Azərbaycan klublarının hansısa çətin durumda olsa belə, heç vaxt qarşılarına böyük şərtlər qoymuram. Onsuz da nə qədər nəticə versəm də, adıma ləkə yaxırlar. Heç kim nəticəmə baxmır, elə deyilir ki, adında filan şey var. Əlində əsasları olmasa belə, adıma o qədər söz eşidirəm. "Deyirlər" deyə-deyə karyerama zərbə vurdular. Mən başa düşdüm ki, hələ ki futbol heç kimə lazım deyil. Ona görə də savadlı mütəxəssislərin hamısını kənarda qoyublar. Göstərdiyim nəticələr isə göz qabağındadı”.