“Azərbaycan hesabı bərabərləşdirəndə utanmağa başladım...” – bolqar futbolçular məyusdu
Azərbaycan və Bolqarıstan milliləri Bakıda təşkil olunan “FİFA series - Edition 2024” layihəsi çərçivəsində üz-üzə gəldi – 1:1.
“Football-plus.az” xəbər verir ki, bolqarıstanlı futbolçular oyun haqda düşüncələrini bu ölkənin gong.bg saytına açıqlayıb.
Aleks Petkov:
“Bu, bizim üçün əldən verilmiş qələbədi. Çünki rəqib gec qol vurdu. Sona qədər dayansaq da, fərqi artıra bilmədik. Niyə qalib gəlmədik? Bəlkə də yorğunduq. Həm də Azərbaycan xeyli təhlükəli vəziyyət yaratdığından hücum etməyə fürsət olmadı. Başverənlərdən dərs çıxarmalıyıq. Paltardəyişmə otağında məyus idik. Yenə də ortaya yaxşı iş qoyduğumuzu düşünürəm”.
Filip Krastev:
“Daha güclü olmalıyıq. Hər futbolçu öz klubunda təkmilləşməlidi. Məncə, nəticə ədalətli idi. Rəqib güclü təzyiq göstərərək bərabərlik qolunu vurdu. Azərbaycan daha yaxşı idi. Əksər hallarda onların üstün olduğu hiss olunurdu. Biz isə səhvlərə yol verdik. Onları sıxışdırmaq üçün fürsətlərdən istifadə edə bilmədik”.
Valentin Antov:
“Öz mövqeyimdə oynamadım. Bu, baş məşqçimizin qərarı idi. Matçdan əvvəl ona həmişə olduğum yerdə çıxış etmək istədiyimi bildirsəm də, razılaşmadı. Qalib gəlsək, yaxşı olardı. Lakin rəqibin təzyiqi qarşısında dözə bilmək mənim üçün yaxşı nəticədi”
Kiril Despodov:
“Sadəcə, ayıbdı. Qələbəyə layiq idik. Azərbaycan hesabı bərabərləşdirəndə utanmağa başladım. Adi səhv, asan qol... Daha çoxunu etməliyik”.
KƏNAN BAHADIR
Digər xəbərlər
