“Biz nəyə görə İngiltərəni udmalıyıq? İngiltərədən daha yaxşıyıq? “Qarabağ”la “Çelsi”nin oyununa gedəndə onların akademiyasının 8 və ya 10 meydançası var idi. Sadə bir akademiyada meydança sayı bu rəqəmdi. İngiltərə kimi ölkədə futbolla məşğul olanların faiz nisbəti heç Azərbaycanla müqayisə olunası deyil. 10 milyon adamdan heç 20 mini futbolla məşğul olmur. İngiltərə ilə İtaliya və İspaniya başa-baş oynaya bilər. İngiltərə Serbiyaya 9 qol vurmuşdu. Belə baxanda Serbiya futbol baxımından bizdən qat-qat irəlidə olan ölkədi. Hansı akademiyanın şəraitinə görə biz onları udmalıyıq? Bəlkə çempionatımız premyer-liqadan üstündü? Təbii ki, oyunun içində çatışmazlıqlar var idi, bəlkə də bundan bir qədər daha yaxşı oynaya bilərdik. Ümumilikdə biz İngiltərə millisiylə müqayisə olunası deyilik. Milli komandayla uğur qazanmaq Azərbaycan futbolunu inkşaf etdirmək deməkdi. Azərbaycan futbolunuda inkşaf etdirməkdən ötrü də gərək klublarını infşaf etdirəsən. Biz özümüzü İngiltərə ilə müqayisə etməli deyilik. Odu ki, 1:5-ə görə mən heç kimi günahlandıra bilmərəm”.