"Yığmamız 2024-cü ildə ilk oyununu Azərbaycana qarşı keçirdi. Ötən gecə Bakıda keçirilən görüşdə Azərbaycan millisi qalib gəldi. Onlar matçın əvvəlindən yaxşı nəticə qazanan və bir neçə qol imkanı yarada bilən komanda olduqlarını sübut etdilər. Lakin təmsilçimiz rəqibin güclü təzyiqinə qarşı layiqincə mübarizə aparmağı bacardı.

Qarşılaşmanın qəhrəmanı, heç şübhəsiz, Mönk-Erden Enktavian oldu. Qapıçı uzun fasilədən sonra yenidən milli komandaya qoşuldu və azərbaycanlıların çoxsaylı hücumlarını dayandırdı. O, həm "çərçivə"ni möhkəm qorudu, həm də rəqibin bacarıqlı hücumçularını qəzəbləndirməyi bacardı! Buna baxmayaraq, 90+1-ci dəqiqədə Bəhlul Mustafazadə müdafiə xəttini yarıb qələbə qolunu vurdu.

Yapon məşqçinin (İçiro Otsuka - red.) millimizə rəhbərlik etməsi faydalıdı, ya yox? Bunu hələ bilmirik. Müdafiə xəttində irəliləyiş olsa da, qol vura bilmirik. "Qara zolaq" davam edir. Baş məşqçinin komandanı müdafiə olunmağa həddindən artıq cəlb etməsi futbolçuları tez yorur və qol vurmaq qabiliyyətini zəiflədir. Mövcud vəziyyətə baxsaq, yığmamızdan hələ bir müddət qol gözləməməliyik".