“FIFA series – Edition 2024” layihəsi çərçivəsində bu gün Tofiq Bəhramov adına Respublika stadionunda millimiz Monqolustana 1:0 hesabıyla qalib gəlib.

"Football-plus.az" xəbər verir ki, oyundan sonra qonaqların baş məşqçisi İçiro Otsukanın mətbuat konfransı keçirilib. Sizi onun fikirləriylə tanış edirik:

- Dünən demişdiz ki, Azərbaycan Yaponiya ilə müqayisə edərdim, bu komandaları eyni gücdə olduğunu iddia edirdiz. 2021-ci ildə Yaponiya Monqolustana rahatlıqla 14 qol vurmuşdu, bu gün Azərbaycan güc-bəla ilə 1 qol vurdu. Bu fikrinizdə qalırsız yenə?
- Azərbaycan millisi yüksək səviyyəli komandadı. Ən azından bizim üçün. Azərbaycanla Yaponiyanın müqayisəsinə gəldikdə, Yaponiyanın heyətində demək olar ki, bütün oyunçular Avropada çıxış edirlər. Azərbaycan kimi komandalara qarşı oynamaq üçün yaxşı təcrübədi. Asiyada əsasən zəif komandalarla oynayırıq. Bugünkü standart fərqli idi. Yaxşı rəqibə qarşı oynayırıq. Biz keçən il gürcüstana qarşı oiynamışdıq, ilk yarı 1:1 idi, sonda 1:6 uduzduq. Bu gün Azərbaycana qarşı yaxşı müdafiə olunduq. Qismən də müdafiə rəqibin rahat oynamasına imkan vermədi.

- Matç heç-heçə çatsaydı, sizin özünüz üçün sensasiya olacaqdı? Bunun üçün nə çatmadı?
- Avropa komandasına qarşı ikinci oyun idi. Heç-heçə etsəydik, sensasiya olardı. Keçən il Səudiyyə Ərəbistanına qarşı oynayırdıq, sona üç dəqiqə qalmış 1:0 udurduq. Amam üç qol buraxıb, uduzduq. Bu gün də eyni şey baş verdi. Hər zaman müdafiə olunursansa, enerji itirirsən. Düşünürsən ki, müdafiə olunuram bu dəqiqə qol buraxacam. Belə düşünsən, qol buraxacaqsan. Amma hücum etməyi düşünsək, qol buraxmayacağıq. Bu düşüncə tərzini dəyişməliyik.

- Qol buraxdıqdan sonra təzyiqləriniz oldu. Niyə ilk dəqiqələrdən belə oynamadınız, rəqibdən çəkindiniz?
- Yeni gəlmişəm. Hələ ki, birinci olaraq müdafiə üzərində işləməyə başlamışıq. Növbəti il üçün hücum davranışı üzərində işləyəcəyik.