Ukrayna çempionatında 21-ci tur qəribə qrafik üzrə keçirilir – 8 oyun 4 günə səpələnib.

"Football-plus.az" xəbər verir ki, belə ki, milli komandaya daha çox futbolçu verən klublar həftəiçi meydana çıxdı.

“Dnepr-1”, demək olar ki, hər tur çempionluq uğrunda mübarizə aparmasının mümkünsüzlüyünü göstərir. Yuri Maksimovun komandasının kadr problemlərini nəzərə alsaq, burda təəccüb doğuran bir şey yoxdu. Dneprlilər LNZ-yə qarşı keçirdiyi turun açılış oyununda da xal itirdi. Kovalyovkada keçirilən oyunun ilk yarısını güclü qar müşayiət etdi. Sönük keçən ilk yarıda “Dnepr-1” bir dəfə də qapıçını narahat etmədi. Ancaq fasilədən dərhal sonra qonaqlar hesabı açdı. Sol cinahla irəliləyən Hacıyevin asmasından sonra qapıçı Penkov inamsız oynadı, sıçrayan topu Filippov boş qapıya göndərdi. Elitanın debütantı cəmi 9 dəqiqə sonra hesabı bərabərləşdirdi. 1:1 hesabı sona qədər dəyişmədi.

“Dinamo” – “Zarya” oyunundan əvvəl Ukrayna mediasında Luqansk komandasının futbolçularının oyunu boykot edəcəyi ilə bağlı xəbərlər yayılmışdı. Səbəb isə əməkhaqqıların gecikməsidi. “Zarya” meydana pulunu vaxtında aldığı deyilən legionerlərlə yeniyetmələrdən ibarət komandanın oyunçularından qurulan qarışıq heyətlə çıxdı. Hava şəraiti də futbol oynamağa imkan vermirdi, həmin gün Kiyevə güclü qar yağırdı.

Gözlənildiyi kimi, “Dinamo” “ağır” meydanda dərhal təşəbbüsü ələ aldı və yarım saatın tamamında çempionatın bombardiri Vanat hesabı açdı. Kiyevlilər oyunun sonunda daha bir qol vurdu. Aleksandr Şovkovskinin çalışdırdığı komanda məğlubiyyətsiz oyunlar seriyasını 8-ə çatdırdı. “Dinamo” çempionatda sonuncu dəfə noyabrın 3-də “Şaxtyor”a uduzub. Bu, “Dinamo”nun Mirça Luçeskunun rəhbərliyi altında keçirdiyi son oyun idi.

“Şaxtyor” da hesabına növbəti, bəlkə də builki ən asan qələbəni yazdı. “Şaxtaçılar” aşkar autsayder “Minay”ın qapısına 36 zərbə vurdu və bunlardan ikisi qolla nəticələndi. Təkqapı gedən oyunda onların daha böyükhesablı qələbəsi də təəccüb doğurmayacaqdı.

Hesab ilk yarının ortalarında açıldı. Korneyçuk cərimə meydançasında Konoplyanın ayağını tapdaladı. Epozoda baxan referi dərhal fol olduğuna qərar verdi. Sudakov penalti zərbəsini riskli yerinə yetirdi – 1:0. 6 dəqiqə sonra “Şaxtyor” yenə fərqləndi. Sikan 18 metrdən uzaq aşağı küncə dəqiq zərbə vurdu. Lider bundan sonra da saysız-hesabsız zərbə endirdi, bununla belə, böyükhesablı qələbə qazanmaq mümkün olmadı. Hər halda, “Şaxtyor” yığmalar üçün ayrılan fasiləyə ən yaxın izləyicisi “Krivbass”dan 3 xal irəlidə yollandı. Üstəlik Krivoy-Roq klubu bir oyun artıq keçirib.

21-ci tur
LNZ – Dnepr-1 1:1
Salihu, 57 – Filippov, 48.
Dnepr-1: Volınets, Adamyuk, Miroşniçenko, Rubçinski, Qorbunov (Melniçenko, 77), Oçeretko (Hacıyev, 46), Pixalenok, Sarapi, Babenko, Filippov (Kivinda, 65/Badenko, 84), Qutsulyak.
Dinamo – Zarya 2:0
Vanat, 30. Popov, 85.
Dinamo: Buşan, Tımçik (Karavayev, 46), Vivçarenko, Mixavko, Popov, Voloşin, Brajko, Şepelev, Şaparenko (Andriyevski, 82), Kabayev (Diallo, 89), Vanat.
Şaxtyor – Minay 2:0
Sudakov, 24-p. Sikan, 30.
Şaxtyor: Riznık, Azarov, Matviyenko, Konoplya, Bondar, Krıskiv, Bondarenko (Nazarina, 85), Sudakov, Kevin (Sukanov, 64), Sikan (Traore, 73), Zubkov.
Aleksandriya – Vorskla 1:0
Kovalets, 68.
“Metallist 1925” – “Rux”, “Obolon” – “Polesye”, “Krivbass” – “Kolos” oyunları bu gün, “Çernomorets” – “Veres” oyunu sabah keçiriləcək.
1. Şaxtyor 19 13 4 2 39-17 43
2. Krivbass 20 12 4 4 37-22 40
3. Dnepr-1 21 11 6 4 29-19 39
4. Dinamo 18 12 2 4 41-21 38
5. Polesye 20 9 6 5 26-16 33
6. Rux 20 8 9 3 28-20 33
7. Vorskla 21 8 5 8 21-28 29
8. LNZ 20 6 7 7 20-23 25
9. Kolos 19 5 9 5 15-14 24
10. Çernomorets 19 7 2 10 26-27 23
11. Aleksandriya 20 6 5 9 15-24 23
12. Zarya 18 4 7 7 18-21 19
13. Metallist 1925 20 4 4 12 20-35 16
14. Obolon 19 3 6 10 11-25 15
15. Veres 19 2 7 10 17-31 13
16. Minay 19 1 7 11 9-29 10
Bombardirlər: Vanat (Dinamo) – 10, Filippov (Dnepr-1) – 8, Buyalski (Dinamo), Kojuşko (Krivbass), Ştoqrin (Çernomorets) - 7.