19-cu turdan sonra “Dnepr-1” zirvəni ələ keçirmişdisə, 20-ci turdan sonra da lider dəyişdi.

"Football-plus.az" xəbər verir ki, artıq ölkə futbolunun nəhənglərindən “Şaxtyor” hamıya yuxarıdan aşağı baxır. Tarixində heç vaxt Donetsk təmsilçisinə qalib gələ bilməyən “Kolos” üçün ənənə bu dəfə də pozulmadı. Hesabı qonaqlar açsa da, fasilədən sonra Traore ilə Kevinin meydana çıxması oyunun axarını tam dəyişdi. Kevin dubl etdi, Traore də fərqləndi. “Şaxtyor” bu qələbə sayəsində ötən il oktyabrın 8-dən bəri ilk dəfə lider oldu.

“Dnepr-1” – “Rux” oyunu hava həyəcanı siqnalı üzündən üç dəfə dayandırıldı və ümumilikdə 4 saat 8 dəqiqə davam etdi. Nominal meydan sahibləri Sarapinin 5-ci dəqiqədə topu öz qapısına göndərməsinə üzüldü və qalan vaxt ərzində bu qolun əvəzini çıxa bilmədi. Nəticədə “Dnepr-1” zirvədəki yerini “Şaxtyor”a verməli oldu.

Autsayderlərdən “Veres”ə qalib gələ bilməyən “Dinamo” Aleksandr Şovkovskinin rəhbərliyi altında ilk dəfə xal itirdi. Əslində hər şey kiyevlilərin növbəti qələbəsinə doğru aparırdı. Ancaq sonuncu uzatma dəqiqəsində Benito cərimə meydançasında ehtiyatsız davranmaqla penaltiyə səbəbkar oldu. Bununla da hesab bərabərləşdi.

Qalan oyunlara gəlincə, “Obolon”u yeganə qolla məğlub edən “Krivbass” 2-ci pilləyə qayıtdı. “Metallist-1925” 7 oyunluq məğlubiyyət seriyasını LNZ ilə qarşılaşmada qırdı. “Minay”ın qapısından iki cavabsız top keçirən “Zarya” məğlubiyyətsiz oyunlar seriyasını 5-ə çatdırdı. Mövsümə iddialı başlayan “Çernomorets” get-gedə turnir cədvəlinin aşağı pillələrinə yuvarlanır. Odessa klubu “Vorskla”ya evdə ardıcıl 6-cı dəfə uduzdu! Heyətində Emil Mustafayevin də olduğu “Polesye” isə evdə “Aleksandriya” önündə “ağ bayraq qaldırdı”. Soydaşımız bu görüşdə fasilədən sonra meydana çıxdı.

20-ci tur
Şaxtyor – Kolos 3:2
Kevin, 50; 89. Traore, 65 – İlyin, 8. Traore, 90+4-öz qapısına.
Şaxtyor: Riznık, Bondar, Pedrinyo (Traore, 46), Matviyenko, Konoplya, Bondarenko (Sukanov, 90), Nazarina (Kevin, 46), Krıskiv, Sudakov, Zubkov (Şved, 90), Sikan.
Veres – Dinamo 1:1
Mrvalyeviç, 99-p. – Voloşin, 5.
Dinamo: Buşan, Popov, Mixavko, Karavayev, Dubinçak, Şepelev, Voloşin (Dyaçuk, 85), Andriyevski, Kabayev (Benito, 85), Vanat, Şaparenko (Sirota, 90+2).
Dnepr-1 – Rux 0:1
Sarapi, 5-öz qapısına.
Dnepr-1: Volınets, Miroşniçenko, Adamyuk, Pixalenok, Pasiç, Sarapi, Oçeretko, Qorbunov (Kivinda, 52), Babenko, Qutsulyak, Filippov.
Krivbass – Obolon 1:0
Kuzık, 57.
Metallist 1925 – LNZ 1:1
Yurçenko, 86-p. – Rıbalka, 76-p.
Zarya – Minay 2:0
Antyux, 18. Buqay, 73.
Çernomorets – Vorskla 0:1
Batsula, 89.
Polesye – Aleksandriya 1:2
Kozak, 62-p. – Mixaylenko, 10. Şulyanski, 77.
18-ci turun aprelin 26-da keçirilən və 0:0 bitən “Aleksandriya” – “Şaxtyor” oyununa görə qonaqlara 3:0 hesablı texniki qələbə verilib.
1. Şaxtyor 18 12 4 2 37-17 40
2. Krivbass 20 12 4 4 37-22 40
3. Dnepr-1 20 11 5 4 28-18 38
4. Dinamo 17 11 2 4 39-21 35
5. Polesye 20 9 6 5 26-16 33
6. Rux 20 8 9 3 28-20 33
7. Vorskla 20 8 5 7 21-27 29
8. Kolos 19 5 9 5 15-14 24
9. LNZ 19 6 6 7 19-22 24
10. Çernomorets 19 7 2 10 26-27 23
11. Aleksandriya 19 5 5 9 14-24 20
12. Zarya 17 4 7 6 18-19 19
13. Metallist 1925 20 4 4 12 20-35 16
14. Obolon 19 3 6 10 11-25 15
15. Veres 19 2 7 10 17-31 13
16. Minay 18 1 7 10 9-27 10
Bombardirlər: Vanat (Dinamo) – 9, Buyalski (Dinamo), Kojuşko (Krivbass), Ştoqrin (Çernomorets), Filippov (Dnepr-1) - 7.
Növbəti turun oyunları martın 7-9-u aralığında keçiriləcək: Zarya – Minay, Veres – Dinamo, Dnepr-1 – Rux, Metallist 1925 – LNZ, Şaxtyor – Kolos, Çernomorets – Vorskla, Polesye – Aleksandriya, Krivbass – Obolon.