“Krivbass”, “Polesye” kimi komandaların ön pillələrdə qərarlaşmasının müvəqqəti olduğunu, müxtəlif problemlərdən əziyyət çəkən nəhənglərin tezliklə mövqeyini bərpa edəcəyini proqnozlaşdıranlar haqlı çıxdı. 19-cu turda lider dəyişdi.

"Football-plus.az" xəbər verir ki, tarixində ilk dəfə “Obolon”u məğlub edən “Dnepr-1” artıq zirvədə qərarlaşıb. Yuri Maksimovun çalışdırdığı komandanın qələbəsi öz yerində, “Krivbass”ın “Şaxtyor” önündə darmadağın olması da liderin dəyişməsində həlledici rol oynadı. Krivoy-Roq klubu “şaxtaçılar”la oyunda heç nə edə bilmədi. Rəqibini darmadağın edən “Şaxtyor” artıq 3-cü pilləyə yüksəlib.

“Dinamo” da zirvəyə doğru şütüməkdədi. Hesabat turunda çoxsaylı qol vəziyyətləri fonunda Roman Qriqorçukun çalışdırdığı “Çernomorets”i minimal fərqlə məğlub edən kiyevlilər hətta itirilməyən xallara görə liderdi.

Turun qalan oyunlarında da maraqlı nəticələr qeydə alındı. 77-ci dəqiqədən soydaşımız Emil Mustafayevin də yardım etməyə çalışdığı “Polesye” gözlənilmədən evdə LNZ-yə uduzmaqla liderlərdən bir qədər uzaq düşdü. Halbuki oyun jitomirlilərin total üstünlüyü şəraitində keçdi.

Myakuşkov “Veres”lə oyunda dubl etməklə “Vorskla”ya çox vacib və əzmkar qələbə qazandırdı. Autsayderlərin görüşündə “Metallist 1925”in qapısından iki cavabsız top keçirən “Minay” cari mövsümdə ilk dəfə qələbəyə sevindi. “Kolos”un qapısına erkən qol vuran “Rux” qələbə hesabını qorudu və 4 oyundan sonra, nəhayət, 3 xal qazana bildi. Turun yeganə qolsuz heç-heçəsi “Aleksandriya” – “Zarya” oyununda qeydə alındı.

19-cu tur
Obolon – Dnepr-1 0:1
Filippov, 37.
Dnepr-1: Volınets, Miroşniçenko, Kravets, Adamyuk, Qorbunov, Sarapi, Rubçinski, Pixalenok, Oçeretko (Hacıyev, 73), Filippov (Kivinda, 56/Pasiç, 90+1), Qutsulyak.
Şaxtyor – Krivbass 5:2
Konoplya, 8. Krıskiv, 22; 82. Bondarenko, 68. Traore, 90+3 – Prins, 20. Stetskov, 85.
Şaxtyor: Riznık, Bondar, Rakirski, Pedrinyo (Azarov, 90), Konoplya, Bondarenko, Krıskiv (Sukanov, 90), Sudakov, Neverton (Nazarina, 61), Sikan (Traore, 74), Zubkov (Şved, 90).
Dinamo – Çernomorets 1:0
Şepelev, 37.
Dinamo: Buşan, Popov, Mixavko, Karavayev (Tımçik, 89), Vivçarenko, Brajko, Voloşin, Şepelev (Andriyevski, 75), Şaparenko, Kabayev (Benito, 89), Vanat (Supryaqa, 75).
Polesye – LNZ 0:1
Oleynik, 90.
Vorskla – Veres 2:1
Myakuşko, 47; 81 – Mrvalyeviç, 41.
Minay – Metallist 1925 2:0
Korneyçuk, 31. Skıba, 90.
Kolos – Rux 0:1
Sıç, 3.
Aleksandriya – Zarya 0:0
1. Dnepr-1 19 11 5 3 28-17 38
2. Krivbass 19 11 4 4 36-22 37
3. Şaxtyor 17 10 5 2 31-15 35
4. Dinamo 16 11 1 4 38-20 34
5. Polesye 19 9 6 4 25-14 33
6. Rux 19 7 9 3 27-20 30
7. Vorskla 19 7 5 7 20-27 26
8. Kolos 18 5 9 4 13-11 24
9. Çernomorets 18 7 2 9 26-26 23
10. LNZ 18 6 5 7 18-21 23
11. Aleksandriya 18 4 6 8 12-20 18
12. Zarya 16 3 7 6 16-19 16
13. Obolon 18 3 6 9 11-24 15
14. Metallist 1925 19 4 3 12 19-34 15
15. Veres 18 2 6 10 16-30 12
16. Minay 16 1 7 9 9-25 10
Bombardirlər: Vanat (Dinamo) – 9, Buyalski (Dinamo), Kojuşko (Krivbass), Ştoqrin (Çernomorets), Filippov (Dnepr-1) - 7.
Növbəti turun oyunları martın 7-9-u aralığında keçiriləcək: Zarya – Minay, Veres – Dinamo, Dnepr-1 – Rux, Metallist 1925 – LNZ, Şaxtyor – Kolos, Çernomorets – Vorskla, Polesye – Aleksandriya, Krivbass – Obolon.