“Barselona”nın yeni mövsüm üçün baş məşqçi axtarışı davam edir.

"Football-plus.az" xəbər verir ki, bilindiyi kimi, Xavi Ernandes yayda bu vəzifəni tərk edəcək. Rəhbərlik onun yerinə bir neçə namizəd müəyyən edib. Maraqlıdı ki, namizədlərin sırasında Luis Enrike də var. Komandanı 2014-17-ci illərdə çalışdıran mütəxəssis hazırda PSJ-yə başçılıq edir. Onun namizədliyini idman direktoru Deku Souza dəstəkləyir.

Xatırladaq ki, 53 yaşlı Enrike 1996-2004-cü illərdə “Barselona”nın formasını geyib. Onun məşqçi kimi komandanı iki dəfə İspaniya çempionatında, üç dəfə ölkə kubokunda, bir dəfə isə Çempionlar Liqası, Avropa Superkuboku, İspaniya Superkuboku və Klublararası Dünya Çempionatında qələbəyə daşıdığını da bildirək.