“Düzünü desəm, heyətimiz gözlədiyimizdən də dərin imiş. Halbuki mövsümün əvvəlində tam başqa düşüncədəydik. Heç ağlımıza da gətirməzdik ki, bu mövzunun üzərində düşünməli olacağıq. Amma vəziyyət olduğu kimidi və bunu qəbul etməliyik. Bir neçə dəfə bunu dilə gətirmişəm və indi yenə haqlı olaraq dilə gətirirəm. Biz bu “uşaq-muşaqlarsız” indi olduğumuz yerdə ola bilməzdik. Necə ağır təqvim olduğunu və nə qədər çox oyun keçirmək məcburiyyətində qaldığımız nəzərə alanda bəzilərinə istirahət hüququ yaratmağım normaldı. Ona görə də heyətimizin dərinliyindən kifayət qədər razıyam. Təbii ki, bundan da geniş olmasını istərdim. Amma bu vəziyyətlə barışmalıyıq. Çempionşip haqda nə düşünürəm? Bu turniri çox bəyənirəm. Ötən həftə “Lids”slə “Lester”in oyununa baxdım. Səhv etmirəmsə, paralel olaraq bundesliqa oyunu gedirdi və mən də onu izləyirdim. Sonra bir ara kanalı çevirdim və “Lids”lə “Lester” arasındakı futbol məni valeh etdi. Ağzım açıq qaldı. Çempionşip çox güclənib. Düzdü, 9 il öncə, yəni mən bura ilk dəfə gələndə onun hansı səviyyədə olmasından xəbərim yoxdu. Çünki çempionşipi, demək olar, izləmirdim. Amma orda sərgilənən futbol, temp, instensivlik, sadəcə, dəlilikdi. Bu yaxınlarda “Vest Bromviç”in oyununu izlədim. Komandanın öz dəst-xətti var və necə oynamaq istədiyi açıq-aydın görünür. Eyni sözləri “Lester” və “Sauthempton” haqda da deyə bilərəm. “İpsviç” çempionşipdə oyununu izləmədiyim nədir klublardandı. Amma onların da işi pis getmir. Dediyim kimi, çempionşip mükəmməl və çətin turnirdi. Bizdə premyer-liqada oyun sayı çoxdusa, çempionşipdə bundan da çoxdu. Orda yaşanan mübarizə alqışalayiqdi. Bu turnirdə səviyyəli məşqçilər, oyunçular və klublar yer alır”.