“Turan Tovuz” yenə azarkeşlərinin güdazına getdi
AFFA İntizam Komitəsinin son iclasında "Turan Tovuz" azarkeşləri meydançaya kənar əşya atdığına görə 800, rəqib komandanın ünvanına kütləvi şəkildə təhqiramiz ifadələrin səsləndirdiyinə və bu hal cari mövsümdə 3-cü dəfə yaşandığına görə 1000 manat cərimələnib.
"Football-plus.az" xəbər verir ki, “Turan Tovuz” artıq neçənci dəfədi azarkeşlərin davranışına görə cərimələnir. Bunun bir sonu varmı? Bu sualı “Turan Tovuz”un azarkeşləri arasında əlaqələndirici Kamal Saqqayevə ünvanladıq:
“Bu hal bizidə məyus etdi. İstəməzdik belə bir hal yaşansın, komandamız cərimələnsin. Bunları edən komandamızı istəməyənlərdi. Fanklub olaraq 90 dəqiqə komandamızın yanında oluruq. Hətta oyunun komissarı belə bizə təşəkkürün bildirdi. Bununla bağlı ciddi tədbirlər görüləcək ki, komandamız cərimələnməsin”.
ƏSƏD SEYİDOV
Digər xəbərlər
