“Bir neçə ay öncə dünyanın ən yaxşı 5 mərkəz yarımmüdafiəçisindən biri olduğumu dilə gətirmişdim. O vaxt heç kim mənə inanmamışdı. Amma mən özümə güvənirəm. Özəlliklərimi, nəyə qadir olduğumu bilirəm və heç kimdən də qorxmuram! Mənim vurduğum qolları heç kim vura bilməz. 1 metrədən qol vurmuram. 25-30 metrəlik uzaq məsafələrdən, cərimə zərbələrindən, yəni çox çətin qollar vururam. Topu geriyə oynamağı və ya 5 metrə yanımdakı komanda yoldaşıma verməyi xoşlamıram. Həmişə irəli ötürməyə, sürətli şəkildə rəqib müdafiəsindəki boşluqları dəyərləndiməyə çalışıram. Bizdə hücuma qoşulmağı sevən oyunçular çoxdu. “Yuventus”la oyunun ilk hissəsində bir epizodda topu qəbul edən kimi sol cinaha Dimarkoya uzun ötürmə verib onu hücuma qoşdum. Top mənə gəlmədən artıq o boşluğu görmüşdüm. Məşqlərdə belə şeylərin üzərində çox çalışırıq. Kumirlərimdən biri Pirlodu. Onun oyun tərzini, meydandakı soyuqqanlılığını çox bəyənirdim. Heç vaxt stress yaşamırdı. AÇ-2012-də penalti seriyasında Co Harta vurduğu “Panenka” zərbəsini xatırlayıram. O, bir nömrə idi. Hazırda dünyanın ən yaxşı oyun qurucusu mənəm! Məndən sonra isə Rodri, Kroos, Kimmix və Entso Fernandes gəlir. Yayda Səudiyyə Ərəbistanından təklif almışdım. Amma “İnter”i sevirəm. Bu klub böyük bir ailədi. Mənimlə bağlı qərarı rəhbərliyin öhdəliyinə buraxdım. Amma eyni zamanda onlara qalmaq istədiyimi də söylədim. “İnter”də sanki futbolçu kimi yenidən doğuldum. Fanatların mənim üçün oxuduqları mahnıları eşidəndə “İnter”in nə üçün fərqli bir klub olduğunu anlayıram”.