"Mateus (7) insanın dəf edə biləcəyi bütün zərbələri zərərsizləşdirdi. Zubir, Leandro və Veçoviçlə mübarizələrdə qalib gəldi. Silva və Axundzadənin qarşısını isə bəlkə Noyer alardı. Viktor Qomes (4) ikinci hissənin əvvəllində çox ciddi səhvlər etdi. Lakin sonradan “Braqa” onun sayəsində daha geniş ərazilərdə söz sahibi oldu. Jorje onu ən yaxşı halındaykən əvəzlədi. Halbuki futbolçu meydandan çıxmaq istəmirdi. Oliveyra (4) 1-ci yarıda bir neçə mövqe səhvinə yol verdi. Juninyonun qol vurmaq istəyinə mane olmaqla bizi sevindirdi. Nyakate (4) Benzya və Juninyonun qarşısını almaq üçün meydana çıxmışdı. Amma Oliveyra ondan daha yaxşı təsir bağışladı. Dostu onu kompensasiya etməsə, Nyakate bizdən 3 alacaqdı. Borja (5) 2-ci hissədə daha çox sərbəstlik qazandı. Ona “Qarabağ”ın yorğun futbolçuları şərait yaratdı. Yenə də Veşoviçlə Leandroya nəzarət etmək vəzifəsinin öhdəsindən gəlmədi. Moutinyo (4) ilk 45 dəqiqədə rəqibin daha üstün oynamasına səbəb oldu. Fasilədən sonra diqqətli çıxış etdi, amma artıq gec idi. Çünki Karvalyo meydana çıxmaq üçün hazır idi. Salasar (4) hücumların qurucusu olmalıydı. Əksi baş verdi və təsirini azaltdı. O, rəqibi sıxışdırmaq üçün lazım olan göstəricilərə cavab vermirdi. Pitsi (3) uzaq məsafədən vurulan, istiqamətsiz zərbələrlə yadda qaldı. Üstəlik komanda yoldaşlarına irad bildirib günahı üstündən atmaq istəyirdi. Həqiqət odu ki, Pitsi sona qədər zəif performansına sadiq qaldı. Banza (5) azərbaycanlı müdafiəçilərə oyunboyu məğlub oldu. Bəs niyə 5? Çünki komandaya penalti qazandırdı və uğurla yerinə yetirdi. Daha çoxunu haqq etmirsən. Ruis (4) 79-cu dəqiqədə fərqlənsə də, qoluyla topa toxunduğu üçün qol qeydə alınmadı. O, topu necə qəbul edəcəyini bilmir?! Calo (6) əla zərbələrlə yadda qaldı. Komanda üçün vacib “oksigen balonu” rolunu oynadı. Calonu ədalətsiz şəkildə qınamayın. O, Axundzadəyə mane olmaq üçün əlindən gələni etdi. Ndur (6) müdafiə və hücum xəttinə təzələnmiş qığılcım bəxş etdi. Cəfərquliyevin qovulmasından yaxşı istifadə etdi və “Braqa” azarkeşlərinə həzz verdi. Bruma (7) - Jorjenin ən çox güvəndiyi futbolçu yaxşı qiymətə layiqdi. Çünki ev sahiblərini daha diqqətli olmağa təşviq etdi. Roni (4) “Qarabağ” futbolçularının asanlıqla oyundan sildiyi oyunçu oldu. Karvalyo (5) rəqibin sabit sütunlarını sındırdı. “Qarabağ”ın müdafiəçilərinə çətin anlar yaşatdı. Sərdar (4) isə lazım olan təhlükəni yarada bilmədi”.