“Braqa” sonradan əziyyət çəkməmək üçün 1-ci hissədə çox diqqətli oynadı. Hətta “Qarabağ”ın futbolçusunun meydandan qovulması nəticəsində üstünlüyümüz artdı. Yüksək təzyiq göstərdik. Amma əlimizdən heç nə gəlmədi... Ürəkbulandırıcı oyun, məyusedici hesaba görə “Braqa”ya minnətdar deyilik. Azərbaycanlılar bütün diqqətini cəmlədi və hər dəfə yaranan fərqi azalda bildi. Rəqib sanki nələrin baş verəcəyini təxmin etmişdi. Qəribədi ki, onlar hər cür vəziyyətə hazır idi. Meydanda başverənlər “Qarabağ”ı təccübləndirmədi. İnsafən, “Braqa” çox yaxşı başlamışdı. Oyuna nəzarət, ciddi təzyiq, topu özündə saxlamaq... Lakin qarşı tərəf işin sirrini açdı. “Silah ustaları”nın daha da irəli getməsinə mane olmağa başladı. Belədə qonaqların bacardığı tək şey topu irəli atmaq idi. “Qarabağ”ın hücumçuları əvvəl heç bir hədəfi yoxmuş kimi oynasa da, vəziyyəti dəyişə bildi. Artur Jorjenin səhvi? Hesabda önə çıxandan sonra müdafiə xəttini gücləndirmək istədi. Pitsi, ardından Salasar meydandan çıxarıldı. Deyəsən, Jorje “Qarabağ”ın Braqadakı oyununu izləməmişdi. Həmin matça ötəri baxanlar belə bilirdi ki, rəqib hücum cəhdlərində necə kəskindi... Baş məşqçi oyunu əlavə vaxta qədər uzatmaq istəyirdi. Bəlkə də haqlı idi. Çünki “Qarabağ” 120 dəqiqə oynamağa öyrəşməyib. Təəssüf ki, alınmadı. Əlavə vaxt bizə bir vedrə soyuq su gətirdi...”