“İlk oyuna baxdım. Möhtəşəm oyun oldu. "Qarabağ" bir sistem komandası kimi hətta “Qalatasaray”, “Fənərbaxça” kimi istənilən vəziyyətdə qol buraxa bilən, emosional futboldan başqa kənara yeni bir düzənləmə qoya bilməyən komanda təsiri bağışlamadı. Ənənəvi şəkildə öz sistemindən qopmadı, "Braqa" kimi güclü komandaya qalib gəldi. Rəqibin vurduğu qolların ikisi də təsadüfi qol idi. Bu da onu göstərir ki, "Qarabağ"ı yalnız təsadüf nəticəsində məğlub edə bilər. Amma bütövlükdə bu böyük uğur idi. Komandamız möhtəşəm Avropa zəfəri qazanmış oldu. Fikrimcə, “Qarabağ” turu keçə biləcək. Təbii ki, rəqibin basqısı çox olacaq. Amma soyuqqanlı oynamağı bacaran "Qarabağ" bu mərhələni keçə biləcək. Fikrimcə, "Qarabağ" ənənəvi oyununu oynamalıdı. Güc, imkanlar "Braqa"da olsa da, iradə "Qarabağ"dadı. İradə olan yerdə də güc köməyə gəlmir. Komandamız bu məsələni Bakıda rahatlıqla həll edə bilər. “Qarabağ” ölkə futbolundan çox üst səviyyədədi. Turnir cədvəlində mövqeyi, oyunu, Avropadakı uğurları da bunu göstərir. Bütün hallarda fərqli bir futbol nümayiş etdirən komandamız var. Bu da sevindirici haldı. Bəzi səbəblərə görə oyunu izləmək üçün stadiona getməyəcəm. Lakin mütləq evdə televiziyadan izləyəcəm. Zövqlə “Qarabağ”ın qələbəsini gözləyəcəm”.