“Biz belə şeylərdən çəkinmirik. Bəli, uşaqlar rəqib futbolçuların dincəlməsinə imkan verməyə bilər. Kütləvi şəkildə olub-olmayacağı hələ bəlli deyil, lakin “Braqa” böyük ehtimalla gecə saatlarını rahat keçirməyə bilər. Həmin oteldə başqa şəxslərin də istirahət etdiyini nəzərə alacağıq. Asayişi pozmaq istəmərik, amma əlimizdən gələni edəcəyik. Onsuz da “Hilton”da gecə saatları sakit keçmir. Biz, ümumiyyətlə, əsas gücümüzü tribunalarda göstərməliyik”.

“Braqa” stadionda istədiyini edə bilməyəcək. Meydanda “Qarabağ”, tribunada biz təzyiq göstərəcəyik. Öz hesabımıza böyük xərc çəkib xoreoqrafiya hazırlamışıq. Öncədən bildirim ki, mövzu məhz futboldu. Başqa hansısa siyasi şüar və ya qayda pozuntusu sayılacaq nəsə yoxdu. Ümid edirik ki, təhlükəsizlik və hüquq-mühafizə orqanları bizə problem yaratmayacaq. Yeri gəlmişkən, “Futbol+” vasitəsilə oyuna gələcək futbolsevərlərə müraciət edirəm. Xahiş edirik ki, əvvəldən sona qədər istər şüar, istər uğultu, səs-küy ilə stadionu lərzəyə gətirsinlər. Ən azı bizim etdiklərimizə qoşulsunlar, tək qoymasınlar. Sayımız nə qədər çox olsa, rəqibin şansı da o qədər azalacaq. Tam hazırıq. Bizə qoşulmaq istəyənlər varsa, 5-ci sektora bilet ala bilər”.